Mar 4, 2012

Khuli Dhoop Ka Musaafir

Ab bhalaa chhor ke ghar kyaa karte,
Shaam ke waqt safar kyaa karte...

Teri masrufiyaten jaante the,
Apne aane ki Khabar kyaa karte...

Jab sitaare hi nahin mil paaye,
Le ke ham shams-o-Qamar kyaa karte...

Wo musaafir hi khuli dhoop kaa tha.!
Saaye phailaa ke shajar kyaa karte...

Khaak hi aval-o-aakhir thahri..!
Kar ke zare ko gauhar kyaa karte...


0 comments:

Post a Comment

Add your comments, Poetry related to this Poetry.