In Aankhon Se Din Raat Barsat Hogi - Bashir Badr

Bashir Badr Ghazal

In Aankhon Se Din Raat Barsaat Hogi
Ager Zindagi Sirf Jazbaat Hogi..

Jazbaat = Emotions

Musafir Ho Tum bhi, Musafir Hain Hum Bhi
Kisi Mor Par Phir Mulaqaat Hogi

Sadaon Ko Ilfaaz Milne Na Payn
Na Badal Ghirain Na Barsaat Hogi

Sadaon = Sounds; Ghirain = Surround

Chiraghon Ko Aankhon Mein Mehfoz Rakhna
Bari Door Tak Raat Hi Raat Hogi

Chiraghon = Lamps; 

Azal Se Abad Tak Safar Hi Safar Hai
Kahin Subha Hogi Kahin Raat Hogi

Azal = Start; Abad = End