Before News

We've updated our page, now you can send us your poetry here: Add Your Poetry

Oct 21, 2014

Ab K Tajdeed-e-Wafa K Nahi Imkaan Jana

Ab K Tajdeed-e-Wafa K Nahi Imkaan Jana
Yaad Kya Tujh Ko Dilaen Tera Paimaan Jana

Yoon Hi Mausam Ki Adaa Dekh K Yaad Aaya Hai
Kis Qadar Jald Badal Jate Hain Insaan Jana

Zindagi Teri Ataa Thi So Tere Naam Ki Hai
Hum Ne Jese Bhi Basar Ki Tera Ehsaan Jana

Dil Ye Kehta Hai K Shayad Ho Afsurda Tu Bhi
Dil Ki Kya Baat Karen Dil To Hai Nadaan Jana

Awal Awal Ki Mohabbat K Nashe Yaad To Kar
Bin Piye Bhi Tera Chehra Tha Gulistaan Jana

Aakhir Aakhir To Ye Aalam Hai K Ab Hosh Nahi
Rag-e-Beena Sulag Uthi Hai Rag-e-Jaan Jana

Muddaton Se Ye Aalam Na Tawaqoh Na Umeed
Dil Pukare Hi Chala Jata Hai Jane Jana

Hum Bhi Kya Sada The Hum Ne Bhi Samajh Rakha Tha
Gham-e-Doraan Se Juda Hai Gham-e-Jane Jana

Ab Tera Naam Bhi Shayad Hi Ghazal Me Aye
Aur Se Aur Hue Dard K Unwaan Jana

Hum K Roothi Hui Rut Ko Bhi Mana Lete The
Hum Ne Dekha Hi Na Tha Mausam-e-Hijraan Jana

Hosh Aya To Sabhi Khawab The Reza Reza
Jese Urte Hue Auraaq-e-Pareshaan Jana...

Ab K Tajdeed
Add Your Poetry

Do you Like this Poetry..?

Get Latest Sad Poetry Daily!

Follow us!