Silsila Pyar Ka Aghosh Dar Aghosh Bhi Hai
Mojza Ye Hai K Thora Sa Mujhe Hosh Bhi Hai
Meri Takhleeq Mere Jurm Ki Tazeer Sahi
Zindagi Ghor To Kar Is Me Tera Dosh Bhi Hai
Be-Jhijak Peeta Chala Jaye Magr Faash Na Ho
May-Kasho Tum Me Koi Aisa Bala-Nosh Bhi Hai
Wo Jo Cheekha Hai Mimbar Pe Zara Si Pi Kar
Uski Taqdeer Me Jiddat Hi Nahi Josh Bhi Hai
Aa Gham-e-Zeest Tujhe May Se Gulabi Kar Dun
Rang Bhi Faq Hai Tera Aj Tu Khamosh Bhi Hai
Chand Ehbaab Mujhe Yaad Rahenge
Un Me Shamil Wo Mera Zood Faramosh Bhi Hai...
0 comments:
Post a Comment
Add your comments, Poetry related to this Poetry.