Jan 20, 2015

Mohabbat Karne Wale Kam Na Honge

Mohabbat Karne Wale Kam Na Honge

Teri Mehfil Me Lekin Hum Na Honge

Zamaane Bhar K Gham Ya Ek Tera Gham

Ye Gham Hoga To Kitne Gham Na Honge

Dilon Ki Uljhane Barhti Rahen Gi

Agar Kuch Mashware Ba-Hum Na Honge

Agar Tu Itefaaqan Mil Bhi Jaye

Teri Furqat K Sadmay Kam Na Honge

'Hafeez' Un Se Main Jitna Badgumaan Hun

Wo Mujh Se Is Qadar Barham Na Honge...

Mohabbat Karne Wale

0 comments:

Post a Comment

Add your comments, Poetry related to this Poetry.