Jun 19, 2015

Pairon Se Masly Ja Rahe Hain Mere Sheher K Phool

Shohada-e-Peshawar

Pairon Se Masly Ja Rahe Hain Mere Sheher K Phool
Ya Rab Karna In Reza Reza Kaliyon K Nazrany Qubool

Nikle The Wo Teri Khatir Talash-e-ilm Me Magar
Lotna Ghar Ki Janib Ek Pal Me Gaye Bhool

Chalni Kar Diye Gaye Seeny In Masoomon K Magar
Parne Na Di Parcham-e-Aziz Pr Zara Bhi Dhool

Tabahi Kar K Wo Kehte Hain Mil Gai Hamein Jannat
Sun Lo Kafiro Nahi Hai Ye Deen-e-Muhammadi Ka Usool

Jo Nabi Wuzoo Me Kam Pani Bahane Ko Farmaye
Kese Chahe Ga K Ho Khoon Alood Koi Phool

Mere Dushman Jab Talak Ye Deen, Ye Qoum Baqi Hai
Nahi Mumkin Tere Liye Kabhi Jannat Ka Husool

Aj Ek Musalman Tujhe Lal-Kaarta Hai Dal De Hathiyar
Warna Darbadar Phire Ga Liye Hue Kashkool...

Submitted By: Asia Shad

0 comments:

Post a Comment

Add your comments, Poetry related to this Poetry.