Apr 14, 2018

Wo Ilm-e Riazi Ke Siwalon Ki Tarah Tha

Patha tha, magar baraf ke ghalon ki tarah tha
Ik shakhs andheron mein ujalon ki tarah tha

Khawbon ki tarah tha, na khayalon ki tarah tha
Wo ilm-e riazi ke siwalon ki tarah tha

Ulja hoya aesa, ke kabi khul nahi paya
Sulja hoya aesa ke misalon ki tarah tha

Wo mil tu gaya lekin apna bhi muqadar
Shatranj ki ulji hoyi chalon ki tarah tha

Wo rooh mein khushbu ki tarah ho gaya tahleel
Jo door bohat chand ke halon ki tarah tha

Wo Ilm-e Riazi Ke Siwalon Ki Tarah Tha