Aye Watan Ke Sajeelay Jawano - Watan Jang Poetry

Urdu War Poetry (Poem)

Aye Watan Ke Sajeelay Jawano,
Mere Naghme Tumhare Liye Hain…!

Sarfaroshi Hai Emaan Tumhara,,
Jurraton Ke Parastar Ho Tum…

Jo Hifazat Karain Sarhadon Ki,
Wo Falak Bos Deewar Ho Tum…

Aye Shujaat Ke Zinda Nishano,
Mere Naghme Tumhare Liye Hain…

Biwiyon, Maaon, Behnon Ki Nazrain,
Tum Ko Dekhain To Yun Jagmagain…

Jese Khamoshiyon Ki Zabani,
De Rahi Hon Wo Tum Ko Dua’an…

Qaum Ke Aye Jarri Paasdano,
Mere Naghme Tumhare Liye Hain…

Tum Pe Jo Kuch Likha Hai Shairoon Ne,
Us Mein Shamil Hai Aawaz Meri…

Ur Ke Pohncho Ke Tum Jis Ufaq Par,
Sath Jaye Gi Parwaaz Meri….

Chand Taroon Ke Aye Raazdanon,
Mere Naghme Tumhare Liye Hain…