Showing posts with label Wasi Shah. Show all posts
Showing posts with label Wasi Shah. Show all posts

Oct 2, 2023

Aaya Aur Aake Jhut Se Meray Paoon Perd Giya

Aaya aur aake jhut se meray paoon perd giya

Aaya aur aake jhut se meray paoon perd giya
Muddat ke baad uska ye taaza fraib tha

Wasi Shah

Jan 9, 2019

Hijar Ka Taara Doob Chala Hai

Hijar ka taara doob chala hai dhalne lagi hai raat wasi

Hijar ka taara doob chala hai dhalne lagi hai raat wasi
Qatra qatra baras rahi hai ashkon ki barsaat wasi

Tere bad ye duniya wale mujh ko pagal kar den gay
Khushbo k dais men mujh ko le chal apne sath wasi

Yun hi chup ki mohar laga kar kb tak ghum sum betho gay
Khamoshi se dam ghut_ta hai cherro koi bat wasi

Aj to us ka chehra bhi kuch badla badla lagta hai
Mosam badla, duniya badli, badl gay haalat wasi

Mere ghar khushiyon ka ye raqs usi k dam se hai
Us k sath chali jay gi pholoon ki baraat wasi

Chor wasi ab us ki yaden tujh ko pagal kar den gi
Tu qatra hai wo darya hai dekh apni auqaat wasi

Sep 13, 2018

Ab Kiya Karna Us Shakes Se Gila

Ab Kiya Karna Us Shakes Se Gila

Ab kiya karna us shakes se gila ker ke wasi
Woh bhi akhir apna intikhab tha


Apr 28, 2018

Jo Uss Ke Saamne Mera Ye Haal Aa Jaye

Jo uss ke saamne mera ye haal aa jaye,
toh dukh se aur bhi uss par jamaal aa jaye.

Mera khyal hai ghunghroo pehan ke naachega,
agar khyal ko tera khyal aa jaye.

Har ek shaam naye khwaab uss par garhenge,
humare haath agar teri shaal aa jaye.

Inhi dino woh mere saath chaai peeta tha,
kahin se kaash mera pichhla saal aa jaye.

Mein apne ghum ke khazaane kahan chhupaaunga,
agar kahin se koi aur maal aa jaye.

Har ek baar naye dhang se sajaayen tujhe,
humhare haath jo phoolon ki daal lag jaye.

Ye doobta hua sooraj thehar na jaye ‘wasi
agar woh saamne waqat-e zawaal aa jaye. !!

Wasi Shah

Jo Uss Ke Saamne Mera Ye Haal Aa Jaye

Apr 27, 2018

Tum Meri Aankh Ke Tewar Na Bhula Paaoge

Tum meri aankh ke tewar na bhula paaoge
ankahi baat ko samjhoge toh yaad aaunga

Hum ne khushiyon tarah dukh bhi ikatthe dekhe
safha-e zeest ko paltoge toh yaad aaunga

Iss judaai mein tum andar se bikhar jaaoge
kisi mazoor ko dekhoge toh yaad aaunga

Issi andaaz mein hote the mukhaatib mujh se
khat kisi aur ko likhoge toh yaad aaunga

Meri khushbu tumhen kholegi gulaabon ki tarah
tum agar khud se na bologe toh yaad aaunga

Aaj toh mehfil-e yaaraan pe ho maghroor bahut
jab kabhi toot ke bikhroge toh yaad aaunga

Wasi Shah

Tum Meri Aankh Ke Tewar Na Bhula Paaoge

Apr 19, 2018

Jisay aankh bhar ker dakh lain

Hum haseen honay ka daawa
To nahin kartay wasi
Magar haan!
Jisay aankh bhar ker dakh lain
Usay uljhan main daal detey hain

Jisay aankh bhar ker dakh lain

Dec 21, 2017

Tum Meri Aankh K Taiwar Na Bhula Paoge

Tum Meri Aankh K Taiwar Na Bhula Paoge
An-Kahi Bat Ko Samjho Ge To Yad Aunga
Hum Ne Khushiyon Ki Tarha Dukh Bhi Ekathe Dekhe
Safha-e-Zeest Ko Palto Ge To Yad Aunga
Is Judai Me Tum Andar Se Bikhar Jaoge
Kisi Mazoor Ko Dekhoge To Yad Aunga
Isi Andaaz Me Hote The Mukhatib Mujhse
Khat Kisi Aur Ko Likho Ge To Yad Aunga
Meri Khusbu Tumhe Khole Gi Gulabon Ki Tarha
Tum Agr Khud Se Na Bolo Ge To Yad Aunga
Sard Raaton K Mehekte Hue Sannaton Me
Jab Kisi Phool Ko Chumo Ge To Yad Aunga
Aaj To Mehfil-e-Yaaran Pe Ho Maghroor Bohat
Jab Kabhi Toot K Bikhro Ge To Yad Aunga
Ab To Ye Ashq Me Honton Se Chura Leta Hun
Haath Se Khud Inhe Poncho Ge To Yad Aunga
Shawl Pehnaye Ga Ab Kon December Me Tumhe
Barishon Me Kabhi Bheego Ge To Yad Aunga
Haadsay Aenge Jeewan Me To Tum Ho K Nidhaal
Kisi Dewaar Ko Thamo Ge To Yad Aunga
Is Me Shamil Hai Mere Bakht Ki Tareeki Bhi
Tum Seyaah Rung Jo Pehno Ge To Yad Aunga...

Tum Meri Aankh

Dec 15, 2017

Me Kese Sard Hathon Se Tumhare Gaal Choota Tha

Me Kese Sard Hathon Se Tumhare Gaal Choota Tha
December Me Tumhe Meri Shararat Yaad Aye Gi...

Me Kese Sard

Oct 19, 2017

Sari Raat Ki Jagi Aankhen College Me Kya

Sari Raat Ki Jagi Aankhen College Me Kya Parhti Hongi
Khul Na Jaye Raz-E-Dil, Har Waqt Is Se Darti Hongi...

Blogger: Waqas Ali

Feb 21, 2017

Yad Kar K Mujhe Takleef Hi Hoti Hogi

Yad Kar K Mujhe Takleef Hi Hoti Hogi
Aik Qissa Hun Purana Sa Bhula De Mujh Ko...

Yad Kar K

Sep 12, 2016

Uski Aankhon Main Mohabbat Ka Sitara Hoga

Uski Aankhon Main Mohabbat Ka Sitara Hoga
Ek Din Aye Ga Wo Shakhs Humara Hoga,

Tum Jahan Mere Liye Sipiyan Chunti Hogi
Wo Kisi Aur Hi Duniya Ka Kinara Hoga,

Zindagi.. Ab K Mera Naam Na Shamil Karna
Gar Ye Tay Hai K Yehi Khail Dobara Hoga,

Jis K Hone Se Meri Sans Chala Karti Thi
Kis Tarha Us K Bagair Guzara Hoga,

Ye Achanak Jo Ujaala Sa Hua Jata Hai
Dil Ne Chupkay Se Tera Naam Pukaara Hoga,

Ishq Karna Hai To Din Raat Usy Sochna Hai
Aur Kuch Zehen Main Aaya To Khasara Hoga,

Ye Jo Pani Main Chala Aya Sunehri Sa Gharoor
Us Ne Darya Main Kahin Paun Utara Hoga,

Kon Rota Hai Yahan Raat K Sannaton Me
Mere Jesa Hi Koi Hijar Ka Mara Hoga,

Mujh Ko Maloom Hai Junhi Main Qadam Rakhun ga
Zindagi Tera Koi Aur Kinara Hoga,

Jo Meri Rooh Main Baadal Se Garajte Hain WASI
Usne Seeny Main Koi Dard Utara Ho Ga,

Kaam Mushkil Hai Magar Jeet Hi Lunga Us Ko
Mere Mola Ka WASI Junhi Ishara Hoga...

Blogger: Waqas Ali

Mar 18, 2016

Chor Dia Hum Ne Aitbar Qismat Ki Lakeeron - Wasi Shah

Chor Dia Hum Ne Aitbar Qismat Ki Lakeeron Pe Wasi
Jo Dilon Me Bus Jaen Wo Lakeeron Me Nahi Mila Karte...

Chor Dia Hum

Mar 5, 2016

Apne Ehsaas Se Chu Kar Mujhe Sandal Kar Do - Wasi Shah

Apne Ehsaas Se Chu Kar Mujhe Sandal Kar Do
Me K Sadiyon Se Adhoora Hun Mukamal Kar Do

Na Tumhe Hosh Rahe Aur Na Mujhe Hosh Rahe
Is Qadar Toot K Chaho K Mujhe Pagal Kar Do

Tum Hatheli Ko Mere Pyar Ki Mehndi Se Rango
Apni Aankhon Me Mere Naam Ka Kajal Kar Do

Dhoop Hi Dhoop Hun Me Toot K Barso Mujh Par
Me To Sehra Hun Mujhe Pyar Ka Badal Kar Do

Is K Saye Me Mere Khawab Mehak Uthen Ge
Mere Chehre Pe Umeedon Bhara Aanchal Kar Do

Apne Honton Se Koi Mohar Lagao Mujh Par
Ek Nazar Pyar Se Dekho Mujhe Ghayal Kar Do...

Apne Ehsaas Se

Jun 2, 2015

Sharab Peeny De Masjid Me Beth Kar

Ghalib
Sharab Peeny De Masjid Me Beth Kar
Ya Wo Jagah Bata Jahan Khuda Nahi

Iqbal
Masjid Khuda Ka Ghar Hai Peeny Ki Jagah Nahi
Kafir K Dil Me Ja Wahan Khuda Nahi

Faraz
Kafir K Dil Se Aya Hun Me Ye Dekh Kar
Khuda Mojood Hai Wahan Par Usy Pata Nahi

Wasi
Khuda To Mojood Duniya Me Har Jagah
Tu Jannat Me Ja Wahan Peena Mana Nahi

Saqi
Peeta Hun Gham-e-Duniya Bhulany K Liye Saqi
Jannat Me Kon Sa Gham Hai Is Liye Wahan Peeny Me Maza Nahi...

Sharab Peeny De

Mar 15, 2015

Kuch Nahi To Yehi Be-Naam Sa Bandhan Hota

Kuch Nahi To Yehi Be-Naam Sa Bandhan Hota
Kaash Me Tere Haseen Hath Ka Kangan Hota...

Kuch Nahi To Yehi

Jan 10, 2015

Hum Ghareeb Ache Hain Duniya Dar Logon Se

Hum Ghareeb Ache Hain Duniya Dar Logon Se WASI
Hum Apne Khawab Zarur Torty Hain Kisi Ka Dil Nahi...

Hum Ghareeb Ache

Jan 3, 2015

Tu Jis K Wadon Ko Dil Se Lagaye Betha Hai

Tu Jis K Wadon Ko Dil Se Lagaye Betha Hai

Wo Apni Bat Se Pyare Mukar Gaya Kab Se...

Tu Jis K Wadon

Dec 31, 2014

Samandar Me Utarta Hun To Ankhain Bheeg Jati Hain

Samandar Me Utarta Hun To Ankhain Bheeg Jati Hain
Teri Ankhon Ko Parhta Hun To Ankhain Bheeg Jati Hain

Tumhara Nam Parhne Ki Ijazat Chin Gai Jab Se
Koi Bhi Lafz Parhta Hun To Ankhain Bheeg Jati Hain

Me Huns Kar Jhail Leta Hun Judai Ki Sabhi Rasmen
Galy Jab Us K Lagta Hun To Ankhain Bheeg Jati Hain

Na-Jany Ho Gaya Hun Is Qadar Hassas Me Kab Se
Kisi Se Bat Karta Hun To Ankhain Bheeg Jati Hain

Wo Sab Guzry Hue Lamhaat Mujh Ko Yad Ate Hain
Tumhare Khat Jo Parhta Hun To Ankhain Bheeg Jati Hain

Me Sara Din Bohat Masroof Rehta Hun Magr Junhi
Qadam Chokhat Pe Rakhta Hun To Ankhain Bheeg Jati Hain

Har Aik Muflis K Mathy Par Alam Ki Dastany Hain
Koi Chehra Bhi Parhta Hun To Ankhain Bheeg Jati Hain

Bary Logon K Oonchy, Bad-Numa Or Sard Mehlon Ko
Gareeb Ankhon Se Takta Hun To Ankhain Bheeg Jati Hain

Tere Koochy Se Ab Mera Ta'aluq Wajabi Sa Hai
Magr Jab Bhi Guzrta Hun To Ankhain Bheeg Jati Hain

Hazar Mosamon Ki Hukmarani Hai Mere Dil Pe WASI
Me Jab Bhi Hansta Hun To Ankhain Bheeg Jati Hain...

Samandar Me Utarta

Nov 21, 2014

Duniya Se Mujhe Pyar Tha Sab Bhool Chuka Hoon

Duniya Se Mujhe Pyar Tha Sab Bhool Chuka Hoon
Ek Shakhs Mera Yaar Tha Sab Bhool Chuka Hoon

Bakhshi Hai Mujhe Pyar K Badle Me Judai
Jo Bhi Tera Kirdar Tha Sab Bhool Chuka Hoon

Bas Itna Mujhe Yaad Hai Ek Wasal Ki Shab Thi
Iqrar Tha Inkar Tha Sab Bhool Chuka Hoon

Haan Meri Khata Thi K Tujhe Toot K Chaha
Haan Me Hi Gunehgar Tha Sab Bhool Chuka Hoon

Ek Shakhs Ne Pagal Sa Bana Rakha Tha Wasi
Me Kitna Samajh-dar Tha Sab Bhool Chuka Hoon...

Duniya Se Mujhe Pyar

Nov 20, 2014

Kisi Ki Aankh Se Sapne Chura Kar Kuch Nahi Milta

Kisi Ki Aankh Se Sapne Chura Kar Kuch Nahi Milta
Mundairon Se Charaghon Ko Bujha Kar Kuch Nahi Milta

Sakoon Un Ko Nahi Milta Kabhi Pardes Ja Kar Bhi
Jinhe Apne Watan Se Dil Laga Kar Kuch Nahi Milta

Na Jane Kon Se Jazbe Ki Yoon Taskeen Karta Hoon
Bazaahar To Tumhare Khat Jala Kar Kuch Nahi Milta

Usy Main Pyar Karta Hoon To Mujh Ko Chain Aata Hai
Wo Kehta Hai Usy Mujh Ko Sataa Kar Kuch Nahi Milta

Mujhe Aksar Sitaaron Se Yehi Awaaz Aati Hai
Kisi K Hijar Me Neendain Ganwaa Kar Kuch Nahi Milta

Jigar Ho Jaye Ga Chalni Ye Aankhain Khoon Roengi
Wasi Befaiz Logon Se Nibha Kar Kuch Nahi Milta...

Kisi Ki Aankh Se