Jun 20, 2013

Fikr Laahaq Hai Ye Ehbaab Kahan Jayn Ge

Fikr laahaq hai ye ehbaab kahan jayain gay?
Jism mar jaayay ga to khwaab kahan jayain gay?

Ham musabbab hain sabab dhoond rahay hain
Na rahay ham he to asbaab kahan jayain gay?

Mujh sy qaayim hay ye ijaad k ablaagh k fan
Bin mere tere ye abwaab kahan jayain gay?

Dil ye kehta hay ehsas bacha lo daikho
Aankh kehti hay ye sailab kahan jayain gay?

Gard ho ja'on ga ek roz zamee'n kehti hay
Par jo mujh may hain wo gardaab kahan jayain gay?

By: Kashif chaudhri

0 comments:

Post a Comment

Add your comments, Poetry related to this Poetry.