Bohat Umeed Rakhna Aur Phir Be-aas Hona Bhi

Bohat Umeed Rakhna Aur Phir Be-aas Hona Bhi

Bashar Ko Maar Deta Hai Bohat Hassas Hona Bhi

Suno Ek Kaan Se Aur Doosre Se Phaink Do Bahir

Bohat Takleef Di Hai Sahib-e-Ehsaas Hona Bhi

Yoon Hi To Abr-e-Rehmat Ki Talab Karta Nahi Koi

Zaroori Hai Muqadar Me Zara Si Payaas Hona Bhi

Bohat Se Qalb Ruk Jate Hain Khushiyon Ki Khabar Pa Kar

Hamen To Khoob Jachta Hai Ghumon Ka Raas Hona Bhi…