Zubaan K Sakht Magar Dil K Payare Hote Hain
Zara Zara Se Munaafiq To Sary Hote Hain
Diyaar-e-Ishq Ka Ultaa Nizaam Chalta Hai
Yahaan K Saary Munaafy, Khasaary Hote Hain
Tum Apni Raaye Badalne Me Haq Ba-Janib Ho
Har Aadmi Ne Kayi Roop Dhaary Hote Hain
Unhi Ki Jeet Ka Ailaan Waqt Karta Hai
Muhabbaton Me Ba-Zahir Jo Hary Hote Hain
Zara Aasman Ki Bulandi Se Dekhiye To Sahi
Zameen Par Jalte Diye Bhi Sitaary Hote Hain...
0 comments:
Post a Comment
Add your comments, Poetry related to this Poetry.