Rait Se But Na Bana Aye Mere Ache Fankaar

Rait Se But Na Bana Aye Mere Ache Fankaar

Aik Lamhay Ko Theher, Me Tujhe Pathar La Doon

Me tere Samny Ambaar Laga Doon Lekin

Kon Se Rung Ka Pathar Tere Kaam Aega?

Surkh Pathar, Jise Dil Kehti Hai Be-DIL Duniya

Ya Wo Pathrai Hui Aankh Ka Neela Pathar?

Jis Me Sadiyon Se Tahreer K Pare Hon Doray

Ya Tujhe Rooh K Pathar Ki Zaroorat Hogi?

Jis Pe Haq Baat Bhi Pathar Ki Tarha Girti Hai

Aik Wo Pathar Hai Jise Kehte Hain Tehzeeb Sufaid

Is K Mar Mar Me Siyah Khoon Jhalak Jata Hai

Aik Insaaf Ka Pathar Bhi To Hota Hai Magar

Hath Me Teesha-e-Zar Ho To Wo Hath Aata Hai

Jitne Mayyar Hain Is Daur K Sab Pathar Hain

Jitne Afkaar Hain Is Daur K Sab Pathar Hain

Shair Bhi Husn Bhi, Tasveer-o-Ghina Bhi Pathar

Mera Ilhaam, Tera Zehan Rasa Bhi Pathar

Is Zamany Me To Har Fun Ka Nishaan Pathar Hai

Hath Pathar Hain Tere, Meri Zubaan Pathar Hai...