Aankh Sooye Falak Rakhi Hui Hai

Aankh sooye falak rakhi hui hai,

Dil me kesi kasak rakhi hui hai

Zindagi ke ujar raston me,

Haadson ki mehak rakhi hui hai

Tu mujhe dhoond ley andheray me,

Mujh mein itni chamak rakhi hui hai

Baadlon se gadaz larki me,

Bijliyon si karak rakhi hui hai

Aehtamam-e-shakstagi hai bohat,

Mujh me kam kam lachak rakhi hui hai

Lafaz ko aaina banaya hai,

Is me apni jhalak rakhi hui hai

Bait bahsi me aaj 'Yawar' se,

Jeetnay ki lalak rakhi hui hai....

آنکھ سوئے فلک رکھی ہوئی ہے

دل میں کیسی کسک رکھی ہوئی ہے

زندگی کے اجاڑ رستوں میں

حادثوں کی مہک رکھی ہوئی ہے

تُو مجھے ڈھونڈ لے اندھیرے میں

مجھ میں اِتنی چمک رکھی ہوئی ہے

بادلوں سی گداز لڑکی میں

بجلیوں سی کڑک رکھی ہوئی ہے

احتمالِ شکستگی ہے بہت

مجھ میں کم کم لچک رکھی ہوئی ہے

لفظ کو آئنہ بنایا ہے

اِس میں اپنی جھلک رکھی ہوئی ہے

بیت بحثی میں آج یاور سے

جییتنے کی للک رکھی ہوئی ہے

یاور عظیم