Meri Koi Khata To Saabit Ker

 

Meri koi khata to saabit ker

Agar koi gila hay to saabit ker

Chalo hum be wafa hi sahi

Tu apni wafa to saabit ker!

Bohat Sooch Ker Soocha Hay Kinarah Ker Liya Jay

 

Bohat sooch ker soocha hay kinarah ker liya jay

Faqaq teri yadoon per guzara ker liya jay

Aik woh bhi waqt that jub ajnabi thay dono

Wohi haal ab ke phir dobara ker liya jay

Gham-e-zindagi Tujhay Kiya Kahon

Gham-e-zindagi tujhay kiya kahon

Bus zindagi hi to muhaal hay

Jahan maut itni asaan thi

Wahin ji liya to kamal hay!

Baat Ker Laitay Hain Shayed Koi Hal Mil Jay

 

Baat ker laitay hain shayed koi hal mil jay

Aaj mushkil hay to kahna mujhay kul mil jay

Ain mumkin hay woh ik rooz mujhay kerlay qabool

Ain mumkin hay mujhay sabar ka phal mil jay!

Dil Ki Hasrat Zuban Pe Aanay Lagi

 

Dil ki hasrat zuban pe aanay lagi

To nay daikha aur zindagi muskuranay lagi

Ye ishq ki intiha thi ya dewangi meri

Har soorat main teri soorat nazar anay lagi

Ae Tabeeb, Yoon Koshish Na Ker

 

Ae tabeeb, yoon koshish na ker

Tujhay kiya khabar meray merz ki?

Pehlay ishq ker...phir chaut kha....

Phir likh dawa meray dard ki!!!

Ik Samundar Hay Jo Meray Qabo Main Hay

 

Ik samundar hay jo meray qabo main hay

Aur ik qatra hay jo mujhse sanbhala nahi jata

Ik umar hay jo beetani hay uske baghair

Aur ik lamha hay jo mujhse guzara nahi jata

Wehshat Ne Zindagi Ki Rawani Ujaard Di

 

Wehshat ne zindagi ki rawani ujaard di

Ik waqia ne sari kahani ujaard di

Kamsin badan pe boojh hay boordhay dimaag ka

Sanjeedgi ne meri jawani ujaard di

Hata Diya Hay Tera Aks Maslihat Ke Tehat

 

Hata diya hay tera aks maslihat ke tehat

Ye kub kaha ke nazar se gira diya tujhay

Main teray zikar pe anjaan ban rahi hoon magar

Ye na samajhna ke main ne bhula diya hay tujhay

Kuch Kaam Thay Apni Merzi Ke

 Kuch kaam thay apni merzi ke

Kuch kaam faqat majboori thay

Phir waqt bohaut hi thorda tha

Aur saray kaam zaroori thay!