Tumhara Khat Mila Jaanaa
Wo Jis Me Tum Ne Pucha Hai
K Ab Haalaat Kese Hain?
Mere Din Raat Kese Hain?
Meherbani Tumhari Hai!
K Tum Ne Is Tarha Mujh Se
Mere Haalaat Puche Hain
Mere Din Raat Puche Hain
Tumhe Sab Kuch Bata Dunga
Mujhe Itna Bata Do K
Kabhi Saagar Kinare Pr
Kisi Machli Ko Dekha Hai?
K Jis Ko Lehrein Paani Ki
Kinare Tak To Laati Hain
Magar Phir Chor Jaati Hain
Mere Haalaat Aise Hain
Mere Din Raat Aise Hain...
0 comments:
Post a Comment
Add your comments, Poetry related to this Poetry.