Showing posts with label Haider Ali Aatish. Show all posts
Showing posts with label Haider Ali Aatish. Show all posts

Jun 24, 2012

Tarapte hain na roote hain, na hum faryad karte hain - Aatish Poetry

Tarapte hain na roote hain, na hum faryad karte hain

Tarapte hain na roote hain, na hum faryad karte hain,
Sanam ki yaad me har dam khuda ko yaad karte hain,

Unhin ke ishq me hum naala-o-faryaad karte hain,
Elaahi dekhiye kis din hame wo yaad karte hain...

Shab-e-faraaq me kia kia saanp lehraate hain seene pe,
Tumhari kakul-e-peechan ko jab hum yaad karte hain...

(Naala = Loud); (Shab-e-faraaq = night of separation ; kakul-e-peechan = Curly Hair)

Jun 17, 2012

Yeh Aarzu Thi Tujhe Gul Ke Ru-ba-Ru Karte - Aatish's Poetry


Yeh aarzoo thi tujhe gul ke ru-ba-ru karte, 
Hum aur bul_bul-e-betaab guftagu karte...

(ru-ba-ru = in front of; guftagu = conversation)

Payaam bar na mayassar hua to Khoob hua,
Zabaan-e-Gair se kya shar ki aarzu karte...

(mayassar = available; shar = mischief)

Meri tarah se maah-o-mahar bhi hain aavaaraa, 
Kisi habib ko ye bhi hain justaju karte...

(maah-o-mahar = moon and sun; habib = friend)

Jo dekhate teri zanjeer-e-zulf kaa aalam, 
aseer hone ke aazaad aarazuu karte...

(aseer = prisoner)

Na pooch aalam-e-baragashtaa taali-e-'Aatish',
Barasati aag main jo baaraan  ki aarazu karte..

(baragashtaa = turn around/against; baaraan = rain)
(taali-e-aatish = burning fate)

By: Haider Ali Aatish