Mar 28, 2015

Ta'aluq Torta Hun To Mukammal Tor Deta Hun

Ta'aluq Torta Hun To Mukammal Tor Deta Hun
Jise Me Chor Deta Hun Mukammal Chor Deta Hun

Muhabbat Ho K Nafrat Ho Bhara Rehta Hun Shiddat Se
Jidhar Se Aye Ye Dariya Udhar Hi Mor Deta Hun

Yaqeen Rakhta Nahi Hun Me Kisi Kachy Ta'aluq Par
Jo Dhaga Tootne Wala Ho Us Ko Tor Deta Hun

Mere Dekhe Hue Sapnay Kahin Lehrein Na Le Jaen
Gharonday Rait K Tameer Kar K Chor Deta Hun

Adeem Ab Tak Wohi Bachpan Wohi Tehzeeb-Kari Hai
Qafas Ko Tor Deta Hun Parinday Chor Deta Hun...

Ta'aluq Torta Hun

0 comments:

Post a Comment

Add your comments, Poetry related to this Poetry.