Meri Koi Khata To Saabit Ker

 

Meri koi khata to saabit ker

Agar koi gila hay to saabit ker

Chalo hum be wafa hi sahi

Tu apni wafa to saabit ker!

Bohat Sooch Ker Soocha Hay Kinarah Ker Liya Jay

 

Bohat sooch ker soocha hay kinarah ker liya jay

Faqaq teri yadoon per guzara ker liya jay

Aik woh bhi waqt that jub ajnabi thay dono

Wohi haal ab ke phir dobara ker liya jay

Ye Rang Chehray Ke, Aur Khuwaab Apni Aankhon Ke

 

Ye rang chehray ke, aur khuwaab apni aankhon ke

Hawa chalay koi aisi, bikhar na jain kahin

Jhalak raha hay jin aankhon se ab wajood mera

Ye aankhain, haye ye aankhain, mukar na jain kahin!!!

Tujh Se Ishq Hogiya Ab Khasara Kaisa

 Tujh se ishq hogiya ab khasara kaisa

Darya-e-ishq main jo utar gye ab kinara kaisa

Ik bar jo teray hogye tu bus hogye

Rooz kerna naya istakhara kaisa!!!

Mujhay Hi Kiyon Khiyaal Ata Hay Ke

 

Mujhay hi kiyon khiyaal ata hay ke

Kisi ko bura na lag jay

Kisi ko ye khiyaal kiyon nahi ata

Ke mujhay bhi bura lag sakta hay

Wehshat Ne Zindagi Ki Rawani Ujaard Di

 

Wehshat ne zindagi ki rawani ujaard di

Ik waqia ne sari kahani ujaard di

Kamsin badan pe boojh hay boordhay dimaag ka

Sanjeedgi ne meri jawani ujaard di

Hata Diya Hay Tera Aks Maslihat Ke Tehat

 

Hata diya hay tera aks maslihat ke tehat

Ye kub kaha ke nazar se gira diya tujhay

Main teray zikar pe anjaan ban rahi hoon magar

Ye na samajhna ke main ne bhula diya hay tujhay

Kuch Kaam Thay Apni Merzi Ke

 Kuch kaam thay apni merzi ke

Kuch kaam faqat majboori thay

Phir waqt bohaut hi thorda tha

Aur saray kaam zaroori thay!

Khuwahish Se Nahi Girte Phal Jhooli Main

Khuwahish se nahi girte phal jhooli main

Waqt ki shaakh ko meray doost hilana hoga

Kuch nahi hoga undheron ko bura kehne se

Apne hissay ka diya khud hi jalana hoga

Submitted By: Hiba

Dil Dil Se Piyar Kerta Hay

Dil Dil se piyar kerta hay

Zamana tumko yaad kerta hay

Main howi pagal tere peechay

Jub se ye dil teri faryaad kerta hay

Submitted By: Hurayn Fatma

Me Wo Shama Hun

Me wo shama hun

 Jo roshan tumhe karke khud hi pighal jaungi..

 Subha ka suraj tumhare liye hay

 Me hun sham dhal jaungi

Submitted By: Afasha khan

Ab Baharoon Say Dil Gahabrata Hai

Ab baharoon say dil gahabrata hai

Wafa shearoon say dil gahabrata hai

Hum hai khush is tanhaayee abb

Ghamkharoo say dil gahabrata hai

Submitted By: Abid Amin Rather

Jesay Tu Razi Waisay Razi Kerday

Jesay tu razi waisay razi kerday

Mera koi amal tu imtiazi kerday

Ser jhuk jata hay mn jhukta he nahi

Dil bhi kisi waqt namazi kerday

Mujhay Kun Se Ker Tu Qareeb Ter

Mujhay kun se ker tu qareeb ter

Mujhay apney dar ki gadaie de

Mujhay is jahan se garz nahi

Mujhay us jahan ki rasaie de

Chunley Mujhay Bhi Apney Sajday

Chunley mujhay bhi apney sajday

Kerney waloon main ae Allah

Kub tuk bhaagta rahoon ga

Tujh se teri hi dunya main

Tez Dhoop Ki Tapish Tum Ko Sataye Gi

Tez dhoop ki tapish tum ko sataye gi

Piyas ki shiddat tumhain aazmaey gi

Roze daroo tum her haal main sabar rakhna

Ye aazmaesh tumhain jannat main ley jaee gi

Maa Sey Bardh Ker Koi Naam Kiya Hoga

Maa sey bardh ker koi naam kiya hoga

Is naam ka hum sey ehtiram kiya hoga

Jis key pairon ke neechay jannat hey

Us key sir ka muqaam kiya hoga

Gir Pardi Hoon Teri Khatir Main

Gir pardi hoon teri khatir main

Zameen ki khaak ban ker yun

Uthna na chahoon phir sey main

Teray liyay girna muqaddas samjhoon

Submitted by: Komal yousuf

Guzri Howi Zindagi Ko Kabhi Yaad Na Kr

Guzri howi zindagi ko kabhi yaad na kr

Taqdeer main jo nahi likha uski faryad na kr

Jo ho ga woh ho kr hi rahy ga 

To kal ki fiqar main aaj ki hansi burbad na kr

Meri Ghaflataun Ki Bhi Had Nahi

Meri ghaflataun ki bhi had nahi

Teri rahmataun ki bhi had nahi

Na meri khata ka  shumar hai 

Na teri ata ka shumar hai