May 8, 2016

Qabar Ki Aghosh Me Thak Kar So Jati Hai Maa

Qabar Ki Aghosh Me Thak Kar So Jati Hai Maa
Tab Kahin Ja K Thora Sukoon Pati Hai Maa

Fikar Me Bachon Ki Kuch Is Tarha Ghul Jati Hai Maa
Naujawan Hote Hue Bhi Burhi Nazar Ati Hai Maa

Rooh K Jazbon Ki Ye Gehraiyan To Dekhiye
Chaut Hum Ko Lagti Hai Aur Chillati Hai Maa

Chahe Hum Khushiyon Me Maa Ko Apni Bhool Jaen Lekin
Jab Museebat Sir Pe Aye To Yaad Ati Hai Maa

Shukriya Ho Hi Nahi Sakta Kabhi Us Ka Adaa
Marte Marte Bhi Dua Jeeny Ki De Jati Hai Maa

Pyar Kehte Hain Kise Aur Mamta Kya Cheez Hai
Ye To Un Bachon Se Pucho Jin Ki Mar Jati Hai Maa...

Qabar Ki Aghosh

0 comments:

Post a Comment

Add your comments, Poetry related to this Poetry.