Kab Duaaon Ka Mohtaj Hota Hai

Kab Duaaon Ka Mohtaj Hota Hai

Ishq To La-Elaaj Hota Hai

Is K Apne Asool Hote Hain

Is Ka Apna Riwaaj Hota Hai

Ishq K Ain Se Ibadat Hai

Ishq Rooh Ka Anaaj Hota Hai

Ishq Jismon Ko Sar Nahi Karta

Is Ka Zehno Pe Raaj Hota Hai

Ishq Me Shah Faqeer Hota Hai

Ishq Kanton Ka Taaj Hota Hai

Ishq Me Koi Had Nahi Hoti

Ishq Me Kal Na Aaj Hota Hai

Ishq Khud Hi Zulm Karta Hai

Ishq Khud Ehtajaaj Hota Hai...

Sada Si Hai Bat Me Likhne Betha Hun

Sada Si Hai Bat Me Likhne Betha Hun

Dil K Sub Halaat Me Likhne Betha Hun

Koi Nahi Hai Sunta Phir Bhi Jane Kiun

Apne Sub Jazbaat Me Likhne Betha Hun

Sath Guzary The Jo Uski Qurbat Me

Beety Wo Lamhaat Me Likhne Betha Hun

Bheegy The Hum Dono Jis Me Jee Bhar K

Wo Mosam-E-Barsaat Me Likhne Betha Hun

Us Ne Mujhe Ko Chora Beech Do-Raahy Par

Kese Hui Maat Me Likhne Betha Hun

Lub Par Mere Aksar Jo Ata Hi Nahi

Naam Wohi Din Rat Me Likhne Betha Hun

Unki Bat Kya Likhni Lafzon Me Sodagar

Apne Hi Khayalaat Me Likhne Betha Hun...

Submitted By: Shehxad

Hum Ko Maloom Hai Anjam Humara Murshad

Hum Ko Maloom Hai Anjam Humara Murshad

Is Samandar Ka Nahi Koi Kinara Murshad

Hum Hi Aye Ishq Tere Paun Pary The Aa Kar

Dosh Ab Is Me Nahi Koi Tumhara Murshad

Ab To Jo Kuch Hai Shab-E-Hijr Tere Hath Me Hai

Khak Kar De Ya Bana De Mujhe Taara Murshad

Me Agar Dasht Nahi Dasht Numa Ban Jaun

Is Se Kam Par Nahi Hona Guzara Murshad

Dasht Ki Khaak Urany Pe Hua Hun Mamoor

Koi Tambeeh Mujhe, Koi Ishara Murshad

Yehi Kafi Hai Tera Hijr Nazar Ata Hai

Is Ki Tadfeen Nahi Hum Ko Ganwara Murshad

Aj Samjha Hun Mohabbat Ki Kahani Mohsin

Aj Samjha Hun Kise Kehte Hain Khasara Murshad...

Kisi Ne Na Suni Ek Dewany Ki Sada

Kisi Ne Na Suni Ek Dewany Ki Sada

Sada-E-Loo Me Thi Ek Parwany Ki Baqa

Baqa-E-Yaar Ki Khatir Sada De Deta Magar

Wisaal-E-Yaar Ki Khatir Thi Ek Khamosh Fiza

Khamosh Rehna To Bus Ek Bahana Tha

Wisaal-E-Yaar Tha Phir Bichar Jana Tha

Is Milne Aur Bicharny Ki Kahani Main

Loo Dewani Thi Aur Yaar Parwana Tha...

Submitted By: Adnan Ali Cheema

Ye Jo Dewany Se Do Char Nazar Aty Hain

Ye Jo Dewany Se Do Char Nazar Aty Hain

In Main Kuch Sahib-E-Israr Nazar Aty Hain

Teri Mehfil Ka Bharam Rakhte Hain So Jate Hain

Warna Ye Log To Bedaar Nazar Aty Hain

Aur Hashar K Din Kya Bany Ga Mera

Yahan Sab Tere Tarafdar Nazar Aty Hain...

Submitted By: Zahid Farid

Paichida Se Marz Se Do Char Ho Gya Hun

Paichida Se Marz Se Do Char Ho Gya Hun

Main Apne Hi Sehen Main Shumaar Ho Gya Hun

Rehte Hain Tabeeb Bhi Mere Aas Pas

Main In Ki Guftagu Se Lachaar Ho Gya Hun

Keh Do Lala Zaar K Sabhi Nazaron Se

Main Jhurmat-E-Fazaoun Main Bemaar Ho Gya Hun

Aate Hain Ujale Bhi Mera Haal Puchne

Main In K Sakhat Lehje Main Giraftar Ho Gya Hun

Main Kese Maan Jaun K Ye Mere Hain Apne

Main Inhi K Dilason Ka Shikaar Ho Gya Hun

Mumqin To Nahi Sub Amjad Se Hi Sun'na Hai

Main Un Ki Shokh Nazar Se Bedaar Ho Gya Hun...

Submitted By: Amjad Khan

Kiun Bhool Gaye Hum Ko Rishta To Purana Tha

Kiun Bhool Gaye Hum Ko Rishta To Purana Tha

Aik Ye Bhi Zamana Hai, Aik Wo Bhi Zamana Tha

Rangeen Fizayein Thi Shokh Adayein Thi

Jazbon Ki Jawani Thi Mosam Bhi Suhana Tha

Seene Se Lagaya Tha Ankhon Pe Bithaya Tha

Maloom Na Tha Tum Ne Yoon Chor K Jana Tha

Kiun Hum Se Khafa Ho Tum Kiun Hum Se Juda Ho Tum

Kya Jurm Hua Hum Se Itna To Batana Tha

Nafrat Se Bhari Nazrein Aik Jaan Hi Le Bethi

Tukre Bhi Kiye Dil K Kya Khoob Nishana Tha...

Khizaan K Mausam Ki Sard Shaamen

Khizaan K Mausam Ki Sard Shaamen

Saraab Yaadon K Haath Thaamay

Kabhi Jo Tum Se Hisaab Mangen

Maayusiyon K Nisaab Mangen

Be-Noor Aankhon Se Khawab Mangen

To Jaan Lena K Khawab Saray

Meri Hadon Se Nikal Chukay Hain

Tumhari Chokhat Pe Aa Rukay Hain

Musaafton Se Thakay Hue Hain

Ghubar-E-Raah Se Hatte Hue Hain

Kuch Is Tarha Se Dare Hue Hain

Sawaali Nazron Se Tak Rahe Hain

Tumhari Chokhat Pe Jane Kab Se

Jabeen Jhukaye Hue Khare Hain...

Husn Ki Jheel Ho Tum Aur Kinary Hain Ye Hont

Husn Ki Jheel Ho Tum Aur Kinary Hain Ye Hont

Sach To Ye Hai K Mujhe Jan Se Pyare Hain Ye Hont

Mene Har Bar Mohabbat Se Inhain Chooma Hai

Us Ne Har Bar Mohabbat Se Ubhare Hain Ye Hont

Hath Honton Pe Mere Rakh K Mujhe Kehne Lage

Rokiye In Ko Bohat Shoq K Mare Hain Ye Hont

Band Hote Hain Ye Inkar Ki Soorat Me Magar

Adh Khile Hon To Mohabbat K Ishare Hain Ye Hont

Aaj Khud Apne Muqaddar Pe Mujhe Rashk Aya

Aj Honton Me Mere Us Ne Utare Hain Ye Hont

Choom Kar Hont Mere Us Ne Kaha Ye "Qateel"

Tumhare Hain, Tumhare Hain, Tumhare Hain Ye Hont...

Blogger: Waqas Ali

Me Jo Mehka To Meri Shaakh Jala Di Us Ne

Me Jo Mehka To Meri Shaakh Jala Di Us Ne

Sabz Mosam Me Mujhe Zard Hawa Di Us Ne

Pehle Ek Lamhe Ki Zanjeer Me Bandha Mujh Ko

Aur Phir Waqt Ki Raftar Barha Di Us Ne

Janta Tha K Mujhe Maut Sakoon Bakhshe Gi

Wo Sitamgar Tha So Jeeny Ki Dua Di Us Ne

Us K Hone Se Thin Saanse Meri Dugni Shayad

Wo Jo Bichra To Meri Umar Ghata Di Us Ne...

Blogger: Waqas Ali

Khudi Hai Izzat-O-Yaqeen Ka Dastoor Mian

Khudi Hai Izzat-O-Yaqeen Ka Dastoor Mian

Jo Dekh Lia Kahin Pe Ye Satoor Mian

Hai Ishq Wo Bala K Kon Idhar Apna

Hai Ishq Me Dikhta Kahan Fatoor Mian

Ye Ishq Bazon Ki Basti Idhar Kahan Aye

Ye Wo Aitbar Jo Num Aur Phir Choor Choor Mian

Hai Meri Ye Chah Ek Dua Khuda Se

Mil Kar Bhool Gaya Wafa Hun Jo Majbur Mian

Tum Yawar Idhar Udhar Kiun Bhatakte Ho

Karun Ga Hasil Usko Magar Zarur Mian...

Submitted By: Yawar Habib

Yaqeen Ata Nahi Dil Ko K Aisa Ho Bhi Sakta Hai

Yaqeen Ata Nahi Dil Ko K Aisa Ho Bhi Sakta Hai

Mera Hal-E-Gham Sun Kar Wo Zalim Ro Bhi Sakta Hai

Kabhi Insan Akela Ho K Bhi Tanha Nahi Hota

Sar-E-Mehfil Kabhi Bethy Bithaye Kho Bhi Sakta Hai

Ta'ajjub Kiun Hai Tum Ko Meri Be-Gunahi Par

Karam Ka Aik Qatra Dagh-E-Daman Dho Bhi Sakta Hai

Kabhi Insan Ko Neend Ati Nahi Phoolon K Bistar Par

Kabhi Pathar Pe Sar Rakh Kar Mazy Se So Bhi Sakta Hai

Wo Kehta Hai Tumhari Khatir Sitary Tor Launga

Ba-Zahir Yoon Nahi Hota Magar Yoon Ho Bhi Sakta Hai...

Blogger: Waqas Ali

Roshni Ki Dhaar Par Rakhi Kahani Aur Dukh

Roshni Ki Dhaar Par Rakhi Kahani Aur Dukh

Aankh Se Behta Hua Khamosh Pani Aur Dukh

Mere Kamray Main Usi Tarteeb Se Rakhe Hue Phool

Khat, Waday, Dilasay, Ek Jawani Aur Dukh

Ek Dusre Se Bichar Kar Umar Bhar Rote Rahe

Raat, Sehra, Khushk Pattay, Ek Raani Aur Dukh

Ab Mere Lafzon Main Wo Pehli Si Kaifiyat Nahi

Daal Ab Jholi Main Teri Maherbani, Aur Dukh

Raat Sehra Main Kisi Ne Baansuri Ki Nok Par

Rakh Di Phir Roti Hui Yaadein Purani Aur Dukh...

Blogger: Waqas Ali

Har Roz Bhula Dete Ho Kamal Karte Ho

Har Roz Bhula Dete Ho Kamal Karte Ho

Hansty Ko Rula Dete Ho Kamal Karte Ho

Nahi Hai Mohabbat To Saaf Keh Do

Kiun Umeed Barha Dete Ho Kamal Karte Ho

Hum Tumhe Bhoolne Lagte Hain Jab Bhi

Aa K Pyaar Jata Dete Ho Kamal Karte Ho

Jante Bhi Ho K Ek Hi Diya Hai Mere Ghar Me

Phir Bhi Hawa Dete Ho Kamal Karte Ho

Bhoolne Ka Jo Mujhe Har Roz Kehte Ho

Yoon Yaad Dila Dete Ho Kamal Karte Ho

Khud Hi Kehte Ho K Nasha Haram Hai

Aur Jaam Bhi Thama Dete Ho Kamal Karte Ho...

Blogger: Waqas Ali

Jab Se Tu Amil-E-Farmooda-E-Islaf Nahi

Jab Se Tu Amil-E-Farmooda-E-Islaf Nahi

Naam Insaf Ka Baqi Hai Par Insaf Nahi

Zarb-E-Shamsheer, Baja! Nara-E-Takbeer Darust

Sab Hai! Bus Tujh Me Mujahid Se Wo Ausaf Nahi

Kya Bahana Hai Mere Qalb Ko Thukrany Ka

Kirchiyan Dekh K Kehte Hain K Shafaaf Nahi

Ya Khuda! Umat-E-Ahmed Bhi Wohi Tu Bhi Wohi

Kya Sabab Hai K Wo Pehle K Se Altaf Nahi

Aah! Ye Ishq Bhi Kesa Hai Tera Jis Me 'Shakeeb'
Ishq Ka Ain Nahi Sheen Nahi Qaaf Nahi...

Submitted By: Shakeeb Ahmad

Ek Tamanna Hai Faqat Mujh Pe Meherban Raho

Ek Tamanna Hai Faqat Mujh Pe Meherban Raho

Tum Kisi Aur Ko Dekho To Bura Lagta Hai

Meri Chahat Ka Taqaza Hai Mere Sath Raho

Ghair Ka Hath Jo Thamo To Bura Lagta Hai

Arzoo Hai Tere Har Roop Ko Har Pal Dekhun

Tum Mere Pas Se Utho To Bura Lagta Hai

Roz-O-Shab Aj Bhi Parwah Hai Tumhari Mujh Ko

Tum Kisi Aur Ko Socho To Bura Lagta Hai

Rooh Meri Tarasti Hai Tumhari Khushbu Ko

Tum Kahin Aur Ja K Mehko To Bura Lagta Hai...

Submitted By: Bilal Ahmed

Kabhi Khamosh Betho Ge Kabhi Kuch Gungunao

Kabhi Khamosh Betho Ge Kabhi Kuch Gungunao Ge

Main Utna Yad Aunga Mujhe Jitna Bhulao Ge

Koi Jab Pooch Bethe Ga Khamoshi Ki Waja Tum Se

Bohat Samjhana Chaho Ge Magar Samjha Na Pao Ge

Kabhi Duniya Mukammal Ban K Aegi Nigahon Me

Kabhi Meri Kami Duniya Ki Har Shay Me Pao Ge

Kahin Par Bhi Rahen Hum Tum Mohabbat Phir Mohabbat Hai

Tumhe Hum Yaad Aenge Humain Tum Yaad Ao Ge...

Submitted By: Asad Junaid Sagar

Raat Bhar Khawab Bohat Ajeeb Dekhta Hun

Raat Bhar Khawab Bohat Ajeeb Dekhta Hun

Mera Naseeb K Tujh Ko Qareeb Dekhta Hun

Mujh Ko Chor Beech Bhanwar Pardais Jane Wale

Bin Tere Khud Ko Behad Ghareeb Dekhta Hun

Barhaye Hain Tu Ne Logon Se Jo Mail-O-Marasam

Har Dusre Shakhs Ko Apna Raqeeb Dekhta Hun

Taskheer Kar Rakha Hai Jo Chaah Ne Mujh Ko
Pagal Ho Gaya Hun Khud Ko Shareef Dekhta Hun

Badla Hai Jo Yoon Sanam Ne Andaaz-E-Bayan

Soya Hua Main Apna Naseeb Dekhta Hun

Jab Se Khola Hai Raaz Apni Ulfat Ka Paaris

Zamany Ko Khamkha Apna Hareef Dekhta Hun...

Submitted By: Paaris Sohail

Na Dabi Dabi Si Mohabbaten

Na Dabi Dabi Si Mohabbaten

Na Dhaki Chupi Ab Adawaten

Na Dikhawy Ki Ab Muskurahaten

Na Rog-E-Jaan, Ye Qabahaten

Main Thak Gaya Hun Jhoot Se

Mujhe Chahiye Ab Sach Yahan

Gar! Ranjishen To Ranjishen

Gar! Chahaten To Chahaten...!

Submitted By: Mobeen Naseer

Ye Jo Zindagi Ki Kitab Hai

Ye Jo Zindagi Ki Kitab Hai

Ye Kitab Bhi Kya Kitab Hai

Kahin Ek Haseen Khawab Hai

Kahin Jaan-Leva Azab Hai

Kabhi Kho Lia, Kabhi Paa Lia

Kabhi Ro Lia, Kabhi Gaa Lia

Kahin Rehmaton Ki Hain Barishen

Kahin Tishnagi Be-Hisaab Hai

Kahin Chaon Hai, Kahin Dhoop Hai

Kahin Aur Hi Koi Roop Hai

Kahin Cheen Leti Hai Har Khushi

Kahin Meherban Be-Hisab Hai

Ye Jo Zindagi Ki Kitab Hai

Ye Kitab Bhi Kya Kitab Hai...

Submitted By: Mobeen Naseer