Yeh Saal Bhi Aakhir - 2012 Passed - Welcome 2013 New year

New: Ye Saal Bhi Aakhir Beet Gaya

Koi Haar Gaya, Koi Jeet Gaya

Ye Saal Bhi Aakhir Beet Gaya

Kabhi Sapne Sajaye Aankhon Mein

Kabhi Beet Gaye Pal Baaton Mein

Kuch Talkh Se Lamhaat Bhi The

Kuch Haadse Or Sadmaat Bhi The

Kuch Be-Rukhi, Kuch Be-Chaini

Kuch Man Pe Simti Veerani

Kuch Lamhe The Yaadgar Bohat

Kuch Lamhon Ko Barbaad Kia

For You My Love.... </3

"Par Ab Ke Baras Aye Dost Mere

Mujhe Rab Se Dua Ye Mangne Do

Koi Pal Na Tera Udaas Guzre

Koi Rog Na Tujhe Raas Guzre

Koi Tu Phoolon Ki Tarhan Khila Kare

Koi Shakhs Na Tujh Se Gila Kare

Tu Khush Rahe, Abaad Rahe

Tu Jo Chahe Wo Mil Jaye

Teri Maaf Wo Har Ek Khata Kare

Tujhe Ause Hi Rab Ata Kare..."

Ye Saal Bhi Aakhir Beet Gaya....

Ye Saal Bhi Aakhir Beet Gaya - New Year 2013

Ye Saal Bhi Aakhir Beet Gaya

Ab Yaad Dilayn Kia Tum Ko

Ye Saal Bhi Aakhir Beet Gaya

Aur Apna Bhi Koi Doosh Nahi

Ye Bazi Bhi Jag Jeet Gaya

Wo Sard Hawain Ab Bhi Hain

Rangeen Fizain Ab Bhi Hain

We Bheege Bheege Pani Ki

Pur Shoor Sadain Ab Bhi Hain

Mein Ab Bhi Udher Ko Jata Hun

Aur Dil Apna Sulgata Hun

Ab Tum Nahi Hote Sath Mere

Aur Hote Hain Khali Haath Mere

Pur Shor Sadain Poochti Hain

Wo Sard Hawain Poochti Hain

Wo Kahan Gaya Sathi Tera?

Kia Phir Ye Zamana Jeet Gaya?

Ye Saal Bhi Aakhir Beet Gaya

Ab Yaad Dilayn Kia Tum Ko......

Har Din-O-Raat Subh-O-Sham Aap Se - Mohabbat Shayari

Har Din-O-Raat Subh-O-Sham Aap Se
Baat Karne Ki Aadat Si Ho Gai
Phir Rafta Rafta Aap Se Mohabbat Si Ho Gai
Shayd Ye Mohabbat Ka Taza Taza Asar Tha
Har Pal Pal Mein Aap Ki Zaroorat Si Ho Gai
Ek Zamana Tha Ke Zindagi Be Rang Thi
Aur Ab Khud Ko Sajane Sanwarne Ki Adat Si Ho Gai
Zamane Ne Kiye Bohat Se Sawal ‘Farhan’
Pehle Tumhari Zindagi Kesi Thi?
Aur Ab Yeh Tumhari Zindagi Kesi Ho Gi
Main Bas Chup He Raha Jaan-e-jaan,
Aur Mere Piyaar Ki Wazahat Si Ho Gai

By: Faheem Farhan

Aye Maan Mujhe Neend Nahi Aati - Mother Love Poetry

Aye Maan Mujhe Neend Nahi Aati……
Mujhe Apni Aaghosh De Do
Mere Maathe Par Lab Mohabbat Rakh Do
Mujhe Meethi Loori Suna Do
Mere Sare Gham Mita Kar
Apne Seene Ki Thandak Mein Chupa Loo
Aye Maan….!
Muddat Hui Mein Rooya Nahi Hun
Kai Raatein Kat Gayn Mein Sooya Nahi Hun…..

Usy Kaho Koi Us Pe Marta Hai - Ishq Shayari

Usy Kaho  Koi Us Pe Marta Hai

Usy Kaho Koi Usy Chahta Hai

Usy Kaho Kisi Ki Zindagi Hai Woh

Usy Kaho Koi Us Ki Yaad Mein Jaagta Hai

Usy Kaho Koi Dekh Ke Usy Jeeta Hai

Usy Kaho Kisi Ki Justuju Hai Woh

Usy Kaho Koi Usy Sochta Hai

Usy Kaho Koi Piyaar Ke Uska Talib Hai

Usy Kaho Kisi Ki Kainaat Hai Woh

Usy Kaho Koi Dharkanoo Mein Usy Sunta Hai

Usy Kaho Koi Qurbaton Ka Us Ki Piyaasa Hai

Usy Kaho Kisi Ka Ishq Hai Woh

Usy Kaho Koi  Us Ka Deewaana Hai

Usy Kaho Koi Tasbeeh Naam Key Uski Parhta Hai

Usy Kaho Kisi Ka Piyaar Hai Woh

Usy Kaho Mera Armaan Hai Woh.

By: Aneesa Minhas

Zinda The Jis Ki Aas Pe Wo Bhi Rula Gaya

Zinda The Jis Ki Aas Pe Wo Bhi Rula Gaya
Bandhan Wafa Ke Torr Ke Sar-E-Raah Chala Gaya

Khud Hi To Ki Thi Us Ne Mohabbat Ki Ibtida
Haathon Mein Haath De Kar Khud Hi Chura Gaya

Kar Di Jis Ke Liye Ham Ne Zindagi Tabah
Ulta Wohi Be Wafai Ki Tohmat Laga Gaya….

Aathwan Din - Adhoori Mohabbat Ki Ek Nazam

Aathwan Din - Adhoori Mohabbat Ki Ek Nazam

‘Peer’ Ki Shab Aankhon Mein Kati,

‘Mangal’ Aaya, Tum Nahi Aaye,

‘Budh’ Ko Mein Saj Ban Kar Bhaithi

Aankhein Bhi Dehleez Pe Rakhin

Lamha Lamha Gin Gin Kata

Goonj Utha Dil Ka Sannata

‘Jumerat’ Ki Raat Ko Sajna!

Meiny Suna Tumny Aana Hai

Dil Ny Kaha, Ye Afsana Hai

Deikh Lia? Phir Tum Nahi Aaye

Phail Gaye Yadoon Ky Saye

‘Juma’ Aaya

Apny Ander Ki Larki Ko

Ahista Ahista Jagaya

Khushbu, Ghaza, Mehndi, Kajal,

Kangan, Bindiya, Jhumka, Payal

Jo Khush Mere Paas Tha Janum!

Khoob Rachaya, Khoob Sajaya

Dhal Gaya Kaikin Din Ka Saya

‘Hafta’ Aaya

Kuch Bhi Na Paya, Aankhein Hi Kia

Dil Pathraya

Aur ‘Itwaar’ Ko

Ek Dastak Ny

Mere Ander Ky

Sary Arman Jagaye

Dil Mein Jo Murjhaye Huy Thy

Phool Khilaye

Dorr Ky Darwazy Tak Pohnchi

Kaan Lagaya

Koi Na Bola, Koi Na Bola,

Main Pohnchi, Darwaza Khola,

Koi Nahi Tha

Jagti Aankhon Ka Sapna Tha

Wo Sapna Bhi Toot Gaya

Dil Apna Bhi Toot Gaya

Dil Toota To Yaad Aaya, Haan

Tum Ny Kia Tha Wada Mujhsy

‘Aathwein’ Din Ka

‘Aathwaan’ Din Kab Aaya Janum ?

Tun Naam Batao Aathwein Din Ka

Ya Phir Meri Baat Suno!

Ashkon Ki Barsat Suno!

Aao Suno Ke Meine Janum!

Ban’na, Sanwarna Chorr Dia Hai

Tum Sy Piyaar Hai Ab Bhi Lekin

Tum Sy Mohabbat Ka Dam Bharna Chorr Dia Hai

Jeena Seekh Liya Hai Meine

Rooz Ka Marna Chorr Dia Hai!!

Mujhe Tum Sy Mohabbat Hai

Mujhe Tum Sy Mohabbat Hai

Chupana Raaz Is Dil Ky

Ager Tum Chorr Do Jana

“Mujhe Tum Sy Mohabbat Hai”

Ager Tum Bol Jo Jana

To Jeevan Ky Safar Mein

Rasta Aasan Ho Jaye

Hamary Pas Bhi Jeeny Ka Kuch Saman Ho Jaye

Wagarna Hum, Tumhary Dil Ky Drwazy Ky Bahar

Aas Mein Bethy Rehein Ge

Keh Kabhi To Band Darwazy Ko Kholo Gi

Mere Shany Pe Sar Rakh Kar

Kabhi Dheeray Se Bolo Gi

“Mujhe Tum Sy Mohabbat Hai”

Khizaan Ke Zard Patton Ka Wo Manzar Yaad Karta Hai

Khizaan Ke Zard Patton Ka Wo Manzar Yaad Karta Hai,
Usey Kehna Bohat Usko Navamber Yaad Karta Hai…
Khizaan = autumn; Zard = Yellow; Manzar = Scene
Usey Kehna Ke Yakh-Basta Hawain Zakhm Deti Hain,
Usey Kehna Usey Ik Shakhs Aksar Yaad Karta Hai…
Yakh-Basta = Cold; Zakhm = Wounds;
Usey Kehna Ke Us Ko Bhool Jana Bas Sey Bahir Hai,
Usey Kehna Usey Koi Be_Hisaab Yaad Karta Hai….

Kahin Sy Tera Saath Ley Aaon - Sad Poetry

Kahin Sy Tera Saath Ley Aaon
Wisal Ki Chand Raat Ley Aaon
Beth Jaon Kisi Doorahey Par
Maang Kar Tera Haath Ley Aaon
Kitni Sadiyon Key Baad Boloon Mein
Lab Pe Aik Teri Hi Baat Ley Aaon
Apni Aankhon Ki Band Galiyon Sy
Aansuon Ki Baaraat Ley Aaon
Itni Pooja Karon Ke Mein Aik Din
Apni Zaat Mein Teri Zaat Ley Aaon…!

By: Laiba Kanwal

Tehwaar To Naam Hai Khushiyon Ka - Eid Dard Poetry

EID Poetry - Sad Shayari

Tehwaar To Naam Hai Khushiyon Ka
Lekin Meri Har Eid Par
Mere Dardon Ka Raqs Hota Hai
Mere Aansu Muskuratey Hain
Meri Khushiyan Sisakti Rehti Hain
Mere Armaan Dam Toorte Hain
Mere Aanhein Hansti Rehti Hain
Mein Hota Hun Aur Tanhai
Saath Aansu, Armaan, Aahein Meri
Inhein Khiloon Se
Eid Ke Rooz Behalta Hun…..!

Kaha Mein Ne Mojoon Ko - Sad Dard poetry

Sad Poetry

Kaha Mein Ne Mojoon Ko
Kisi Ko Khainch Kar Apni Taraf Kia Nahi Karte
Mohabbat Bhi Hai Ik Jazba
Par Is Par Majboor Kia Nahi Karte
Wafa Ke Phool Bikhero
Kantoon Ko Bikhera Nahi Karte
Ager mily Na Mohabbat Tumhein
To Qismat Se Mayoos Hua Nahi Karte
Haal-e-Dil Sunaon Ab Mein Kis Ko ‘Any’
Apne To Ab Ye Sab Suna Nahi Karte…!

Tu Nazuk Mager - A Tribute to Malala Yousafzai

Malala Yousafzai Poem

Tu Nazuk Mager,
Tere Hosle Buland,
Tu Fikr-e-Iqbal Ki Tafseer,
Tu Naara-e-Taqbeer,
Teri Sooch Tere Lafz,
Tere Qalm Ko Salalm,
Teri Jurrat,
Tere Qayyam-e-Aman Ko Salam,
Fakhr-e-Insaan Hai Tu,
Tujh Si Betiyon Se,
Madar-e-Watan Surkhuru…

Mohabbat Phool Hai Jana - Mohabbat Poem

Mohabbat Phool Hai Jana
Kaho To Phool Ban Jaon
Tumhari Zindagi Ka Ik
Haseen Asool Ban Jaon
Suna Hai Rait Par Chal Ke
Tum Aksar Mehak Jate Ho
Kaho To Ab Ki Baar Mein
Zameen Ki Dhool Ban Jaon..?
Bohat Nayaab Hote Hain
Jinhein Tum Apna Kehte Ho
Ijazat Do Ke Mein Bhi
Is Qadr Anmool Ban Jaon….!

by = Sad Doll

Chirya Poori bheeg Chuki Hai

Parveen Shakir

Chirya Poori bheeg Chuki Hai
Aur Darakht Bhi Patta Patta Tapak Raha Hai
Ghonsla Kab Ka Bikhar Chuka Hai
Chirya Phir Bhi Chehak Rahi Hai
Ang Ang Se Bool Rahi Hai
Is Mausam Me Bheegte Rehna Kitna Acha Lagta Hai..!

Mohabbat Ho Bhi Sakti Hai - Mohabbat Shayari

Pighal Pather Bhi Sakte Hain
Ulat Darya Bhi Sakta Hai
Koi Aawarah Sa Panchi
Palat Kar Aa Bhi Sakta Hai
Jo Shab Keh
Mujh Pe Hansti Hai
Wohi Shab Ro Bhi Sakti Hai
Mohabbat Ho Bhi Sakti Hai….

Abhi Jugnu Nahi Roothe - Inspirational Poem

Abhi Jugnu Nahi Roothe..!

Abhi Jugnu Nahi Roothe
Abhi Aansu Nahi Toote
Abhi Sooraj Nahi Jaaga
Abhi Tarey Nahi Doobe
Abhi Ik Khwab Baqi hai
Abhi Manzil Nahi Aai
Abhi Aankhon Me Jal Thal Hai
Abhi Dil Me Halchal Hai
Abhi Ik Khwab Baqi hai…!

Aik Lafz Mohabbat Hai Isey Kar Ke Dekho Tum

Lafz Mohabbat

Aik Lafz Mohabbat Hai Isey Kar Ke Dekho Tum
Barbad Na Ho Jao To Mera Naam Badal Dena

Aik Lafz Muqaddar Hai Is Se Larr Ke Dekho Tum
Haar Na Jao To Mera Naam Badal Dena

Aik Lafz Wafa Hai Jo Dunya Mein Nahi Milti
Kahin Se Gar Mil Jaye To Mera Naam Badal Dena

Aik Lafz Aansu Hai Isey Dil Mein Chupa Kar Dekho Tum
Aakhon Se Na Beh Jaye To Mera Naam Badal Dena

Aik Lafz Judai Hai Isey Seh Kar To Dekho Tum
Toot Kar Bikhar Na Jao To Mera Naam Badal Dena…

Adoora Piyar Na Karna - Sad Urdu Nazam

Adhora Piyar

Chalo Tum Saath Mat Dena
Mujhe beshak Bhula Dena
Naye Sapne Saja Lena
Naye Rishte Bana Lene…
Bhula Dena Sabhi Wadey
Sabhi Qasmain, Sabhi Natey
Tumhein Jaana Ijazat Hai
Jo Dil Chahe Wo Sab Karna..
Mager Ab Tum Kisi Se Bhi
Adhora Piyar Na Karna….!

Mohabbat Chup Nahi Rehti - Farhat Abbas Shah

Farhat Abbas Shah Poetry

Mohabbat Kehti Hai, Chalo ‘Farhat’ Hawa Ke Sath Chalty Hain,
Mein Khamoshi Se Is Ke Sath Chal Deta Hun Bujhne Ko

Wo Mujh Se Poochti Hai, Tum Kahan Ghybe Ho Sadiyon Se
Mein Kehta Hun, Hazaron Waswason Ke Darmiyan Gum Hon

Wo Mujh Se Poochti Hai, Raat Ki Be Chainiyan Kia Hai
Mein Kehta Hun, Wohi Jo Dooriyon Ke Dil Me Hoti Hain

Wo Mujh Se Poochti Hai, Khoof Ka Dorania Kia Hai
Mein Kehta Hun, Jo Dil Aur Gham Ka Hota Hai Museebat Me

Wo Mujh Se Poochti Hai, Baadlon Ki Umer Kitni Hai,
Mein Kehta Hun, Tamazat Ke Mutabiq Paniyon Ke Waqt Jitni Hai