Tarash Kar Mere Bazoo Uraan Chor Gaya - Parveen Shakir

Tarash Kar Mere Bazoo Uraan Chor Gaya
Hawa Ke Paas Barhana Kaman Chor Gaya

Bazoo: Shoulders; Uraan: Flight; Barhana: Naked; Kaman: Bow;

Rafaqton Ka Meri Us Ko Dehaan Kitna Tha
Zameen Ley Li Magaer Aasmaan Chor Gaya

Rafaqton: Companionship;

Ajeeb Shakhs Tha, Barish Ka Rang Dekh Ke Bhi
Khule Dareeche Pe Ik Phool_Dan Chorr Gaya

Dareeche: Window; Phool_Dan: Flower Pot;

Jo Badloon Se Bhi Mujh Ko Chupaye Rakhta Tha
Barhi Hai Dhoop To Be_Saibaan Chor Gaya

Be_Saibaan: Roofless

Nikal Gaya Kahin An_Dekhe Paniyon Ki Taraf
Zameen Ke Naam Khula Badbaan Chor Gaya

An_Dekha: Unseen; Badbaan: Sail

Uqaab Ko Thi Gharz Fakhta Pakarne Se
Jo Gir Gai To Yunhi Neem Jaan Chor Gaya

Uqaab: Eagle; Gharz: Purpose; Fakhta: Fakhta: Ringdove; Neem Jaan: Half-Life

Najane Kon Sa Aasaib Dil Mein Basta Hai
Ke Jo Bhi Thera Wo Aakhir Makaan Chor Gaya

Aasaib: Haunted;

Aqab Me Gehra Samandar Hai, Saamne Jangal
Kis Inteha Pe Mera Meharban Chor Gaya….

Aqab: Behind; Jangal: Forest; Meharban: Compassionate;

By: Parveen Shakir

Shared by: Qadeer

Mohabbat Cheez Aisi Hai - Parveen Shakir

Mohabbat Cheez Aisi Hai

Mohabbat Cheez Aisi Hai,

Kabhi Hoti Hai Apnon Se,
Kabhi Anjaan Rahoon Sy
Kabhi Gumnaam Rahon Sy

Mohabbat Cheez Aisi Hai

Kabhi Hoti Hai Phoolon Sy
Kabhi Bachpan Ky Jhoolon Sy
Kabhi Be-Ikhtiyaari Mein
Kabhi Pakke Usoolon Sy

Mohabbat Cheez Aisi Hai

Mohabbat Bas Mohabbat Hai
Mohabbat Ik Sadaqat Hai

Mohabbat Cheez Hi Aisi Hai

Dukhon Mein Rool Deti Hai
Dard Anmool Deti Hai
Zehar Bhi Ghool Deti Hai

Mohabbat Cheez Aisi Hai

For Someone Very Special…..!

Chirya Poori bheeg Chuki Hai

Parveen Shakir

Chirya Poori bheeg Chuki Hai
Aur Darakht Bhi Patta Patta Tapak Raha Hai
Ghonsla Kab Ka Bikhar Chuka Hai
Chirya Phir Bhi Chehak Rahi Hai
Ang Ang Se Bool Rahi Hai
Is Mausam Me Bheegte Rehna Kitna Acha Lagta Hai..!

Wo Jab Se Shehr Kharabaat Ko Rawana Hua

Parveen Shakir Ghazal

Wo Jab Se Shehr Kharabaat Ko Rawana Hua
Barah-E-Raast Mulaqaat Ko Zamana Hua
Kharabaat: Clubs; Rawana: Departed; Barah-e-Raast: Direct; Mulaqaat: Meeting; Zamana

Wo Shehr Chorr Ke Jana To Kab Se Chahta Tha
Ye Nokri Ka Bulawa To Ik Bahana Hua
Nokri: Job; Bahana: Excuse;

Khuda Kare Teri Aankhein Hamesha Hansti Rahein
Ye Aankhein Jin Ko Kabhi Dukh Ka Hosla Na Hua
Hansti: Smile; Dukh: Grief; Hosla: Courage; 

Kinara-E-Sehan Chaman Sabz Bail Ke Niche
Wo Rooz Subha Ka Milna To Ab Afsana Hua
Kinara: Edge; Sehan: Courtyard; Bail: Vine; Afsana: Story;

Mein Soochti Hun Ke Mujh Me Kami Thi Kis Shey Ki?
Ke Sab Ka Ho Ke Raha Wo Bas Ik Mera Na Hua

Shey: Thing;

Kise Bulati Hain Aangan Ki Champai Shamein
Ke Wo Ab Apne Naye Ghar Mein Bhi Purana Hua
Aangan: Courtyard; Purana: Old;

Dhanak Ke Rang Mein Sari To Rang Li Mein Ne
Aur Ab Ye Dukh Ke Pehan Kar Kise Dikhana Hua
Dhanak: Rainbow; Sari: Sari;

Mein Apne Kaanon Mein Pehley Ke Phool Kion Pehnoon
Zaban-E-Rang Se Kis Ko Mujhe Bulana Hua
kaanon: Ears; Pehley: Before; Phool: Flowers; Bulana: Called;

Wo Ja Chuka Hai - Parveen Shakir Poetry

Parveen Shakir Alvidiya

Wo Ja Chuka Hai,
Magar Judai Se Qabal Ka
Ik Narm Lamha
Thehar Gaya Hai
Meri Hatheli Ki Pusht Par
Zindagi Mein
Pehli Ka Chand Ban Kar..!

Dasht-E-Shab Par Dikhai Kia Deingi - Parveen Shakir

Parveen Shakir Ghazal

Dasht-E-Shab Par Dikhai Kia Deingi
Silvatein Roshni Mein Ubhrain Gi

Silvatein = Foldings; Ubrain = Rise;

Ghar Ki Deewarein Mere Jane Par
Apni Tanhaiyon Ko Sochein Gi

Tanhaiyon = Loneliness

Ungliyon Ko Tarash Don Phir Bhi
Aadtein Uska Naam Likhein Gi

Tarash = Truncate

Rang-O-Bu Se Kahin Panah Nahi
Khwahishein Bhi Kahan Aman Dengi

Rang-o-Bu = Color and Odor;

Aik Khushbu Se Bach Bhi Jaon Ager
Doosri Nikhatein Jakar Leingi

Jakar = Hold

Khirkhiyon Par Dabeiz Parde Hon
Barishein Phir Bhi Dastakein Deingi

Dabeiz = Thick; Parde = Curtains; Dastak = Knock

Bichra Hai Jo Ik Baar To Milte Nahi Dekha - Ghazal

Parveen Shakir Ghazal

Bichra Hai Jo Ik Baar To Milte Nahi Dekha
Is Zakham Ko Ham Ne Kabhi Silte Nahi Dekha
Zakham = Wound
Ik Baar Jise Chaat Gai Dhoop Ki Khuahish
Phir Shakh Pe Is Phool Ko Khilte Nahi Dekha
Chaat = Eat up; Khuahish = Desire; Khilte = Bloom;
Yak_Lakht Gira Hai To Jarain Tak Nikal Aain
Jis Peir Ko Aandhi Mein Bhi Hilte Nahi Dekha
Yak_Lakht = All of a Sudden; Gira = Fell; Jarain = Roots; Peir = Tree;
Aandhi = Dust Storm; 
Kanton Me Ghire Phool Ko Choom Aaye Gi Lekin
Titli Ko Paron Ko Kabhi Chilte Nahi Dekha
Kanton = Thorns; Choom = Kiss; Titli = Butterfly;
Kis Tarah Meri Rooh Ko Hari Kar Gaya Aakhir
Wo Zehar Jise Jism Me Khilte Nahi Dekha
Rooh = Soul; Aakhir = Finally; Jism = Body; Zehar = Poison;

Badban Khulne Se Pehle Ka Ishara Dekhna - Parveen Shakir

Parveen Shakir Poetry

Badban Khulne Se Pehle Ka Ishara Dekhna,
Mein Samandar Dekhti Hun, Tum Kinara Dekhna

Badban = Sail

Yun To Bicharna Bhi Bohat Aasaan Na Tha, Us Se Mager,
Jate Jate Us Ka Wo Mur Kar Dobara Dekhna

Kis Shabahat Ko Liye Aaya Hai Darwaze Pe Chand 

Aye Shab-e-Hijran Dara Apna Sitara Dekhna

Shabahat = Doubts

Aaine Ki Aankh Hi Kuch Kam Na Thi Mere Liye
Jane Ab Kia Kia Dikhaye Ga Tumhara Dekhna

Ye Barish Khoobsorat Hai - Parveen Shakir Barish Shayari

Parveen Shakir - Barish Poetry

Ye Barish Khoobsorat Hai,
Ik Arsy Baad,
Meri Rooh Mein
Seraab Hone Ki Tamanna Jag Uthi,
Mager Badal Ke Raste Mein
Bohat Pair Aate Hain,
Mein Pal Bhar Ke Liye Sadaab Hoon,
Aur Apni Baqi Umer,
Phir Sehraon Mein Katoon?
Mein Apni Piyaas Par Razi Rahon Gi,
Mere Aansu Meri Kafalat Ke Liye Kafi Rahein Ge…

Koi Raat Mere Aashna - Parveen Shakir Romantic Poetry

Perveen Shakir Romantic Poetry

Koi Raat Mere Aashna, Mujhe Yun Bhi To Naseeb Ho
Na Rahe Khayal Libaas Ka, Wo Itna Mere Qareeb Ho

Aashna = Familiar;

Badan Ki Garm Aanch Se Meri Aarzu Ko Aag De
Mera Josh Behak Uthey, Mera Haal Bhi Ajeeb Ho

Badan = Body; Aanch = Flame; Josh = Enthusiasm; Behak = Strayed

Tere Chashni Wajood Ka Sara Ras Mein Chura Loon
Phir Tu Hi Mera Marz Ho, Aur Tu Hi Mera Tabeeb Ho

Chashni = Syrup; Wajood = Existence; Rus = Juice; Marz = Disease; Tabeeb = Practitioner

Apni Ruswai Tere Naam Ka Charcha Dekhon - Parveen Shakir

"Apni Ruswai" in Roman Urdu

Apni ruswai aur tere naam ka charcha dekhon

Ek zara Shair kahon aur mein kia kia dekhon..

Neend aa jaye to kia mehfilain barpa dekhon,

Aankh khul jaye to tanhai ka Sehra dekhon,

Shaam bhi ho gai, dhundla gain aankhain bhi meri,

Bhoolne wale, mein kab tak tera rasta dekhon...?

Sab zidain is ki mein poori karon, har baat sunon,

Aik bache ki tarha use hansta dekhon....

Mujh pe chah jaye jo barsat ki khushbu ki tarha,

Ang ang apna usi rut me mehakta dekhon...

To meri tarha se yakta hai mager mere habeeb,

Jee mein aata hai koi aur bhi tujh sa dekhon...

Mein ne jis lamhe koi pooja hai usy bas ek baar,

Khwab ban kar teri aankhon me utarna dekhon...

Tu mera khuch nahi lagta hai, magar jaan-e-Hayat,

Jane kion tere liye dil ko dharakta dekhon..

"Apni Ruswai" in Urdu

اپنی رسوائی اور تیرے نام کا چرچا دیکھوں

اک ذرا شعر کہوں اور میں کیا کیا دکھوں

نیند آ جائے تو کیا محفلیں برپا دکھوں

آنکھ کھل جائے تو تنہائی کا صحرا دکھوں

شام بھی ہو گئی، دھندلا گئیں آنکھیں بھی میری

بھولنے والے، میں کب تک تیرا راستہ دکھوں؟

سب ضدیں اس کی میں پوری کروں، ہر بات سنوں

ایک بچے کی تارہا اسے ہنستا دکھوں

مجھ پی چھا جائے جو برسان کی خوشبو کی طرح

انگ انگ اپنا اسی رت میں مہکتا دکھوں

تو میری طرح سے یکتا ہے مگر میرے حبیب

جی میں آتا ہے کوئی اور تجھ سا دیکھوں 

میں نے جس لمحو کو پوجا ہے اسے اک بار

خواب بن کر تیری آنکھوں میں اترتا دکھوں 

تو میرا کچھ نہیں لگتا ہے، مگر جانِ حیات

جانے کیوں تیرے لئے دل کو دھڑکتا دکھوں

Uljhan by Parveen Shakir - Raat abhi Tanhai ki Pehli Dehleez pe Hai

Urdu poetry - Parveen Shakir poetry

*Uljhan*

Raat abhi Tanhai ki Pehli Dehleez pe Hai,

Aur meri Janib apne Haath barhati Hai,

Soch Rahi Hoon!

Un ko Thamoon,

Zeena Zeena Sannaton Ke Teh-Khaanon Me Utron,

Ya Apne Kamre Me Thehroon

Chaand meri Khirki pe Dastak Daita Hai..!

By: Parveen Shakir

Kuch To Hawa Bhi Sard Thi Kuch Tha Tera Khayal Bhi - Parveen Shakir

Kuch To Hawa Bhi Sard Thi, Kuch Tha Tera Khayal Bhi, 

Dil Ko Khushi Ke Sath Sath Hota Raha Malaal Bhi 

(Sard=Cold; Malaal=Sorrow)

Baat Wo Aadhi Raat Ki, Raat Wo Poore Chand Ki, 

Chand Bhi Ain Chait Ka Uss Pe Tera Jamaal Bhi 

 (Chet=Name of a month; Jamaal=Beauty)

Sab Se Nazar Bacha Ke Wo Mujh Ko Tha Aise Dekhta, 

Ek Dafa To Ruk Gai Gardish-e-Mah-o-Saal Bhi 

Dil To Chamak Sake Ga Kya, Phir Bhi Taraash Ke Dekh Lo 

ShishaaGaran-e-shahar Ke Hath Ka Ye Kamaal Bhi 

(Taraash=Polish; ShishaaGaran=Glazier)

Us Ko Na Pa Sake The Jab Dil Ka Ajib Haal Tha,

Ab Jo Palat Ke Dekhiye Baat Thi Kuch Muhaal Bhi 

(Muhaal=Difficulty)

Meri Talab Tha Ek Shakhs Wo Jo Nahin Mila To Phir, 

Haath Dua Se Yun Gira Bhool Gaya Sawaal Bhi 

(Talab=Quest)

Shaam Ki Nasamajh Hawa Pooch Rahi Hai Ek Pata 

Mauj-e-Hawa-e-Ku-e-Yaar Kuch To Mera Khayaal Bhi 

(Nasamajh=Naive)

Us Ke Hi Bazoun Main Aur Us Ko Hi Sochte Rahe 

Jism Ki Khwahishon Pe The Ruh Ke Aur Jaal Bhi...

Barish hui to phulon ke tan chak ho gaye - Parveen Shakir

Barish hui to phulon ke tan chak ho gaye

mausam ke hath bhig ke saffak ho gaye

baadal ko kya khabar ke barish ki chah main

kitne buland-o-bala shajar khaak ho gaye

jugnu ko din ke waqt pakarne ki zid karen

bache hamare ahad ke chalak ho gaye

lahra rahi hai barf ki chadar hata ke ghas

suraj ki shah pe tinak bhi bebak ho gaye

suraj dimag log bhi iblag-e-fikr main

zulf-e-shab-e-firaq ke pechak ho gaye

jab bhi garib-e-shahar se kuch guftagu hui

lahaje hawa-e-sham ke namnak ho gaye

sahil pe jitne aab_guzida the sab ke sab

dariya ke rukh badalte hi tairak ho gaye

By: Parveen Shakir

(Chaak = Torn ; Saffak = Cruel) (ahad = times) ( aab_guzida = scared of water ; Tairak = swimmers)