Sep 17, 2013

Sawal Tu Hai Jawab Tu Hai, Mohabbaton Ki Kitaab Tu Hai

Sawal Tu Hai Jawab Tu Hai
Mohabbaton Ki Kitaab Tu Hai

Be-Sabat Jahan K Rung Sary
Meri Nazar Me Shabaab Tu Hai

Ye Kaiynaat Hai Jis Se Roshan
Aftaab, Taray, Mehtaab Tu Hai

Kabhi Tu Hota Hai Paas Mere
Kabhi Chamakta Saraab Tu Hai

Phool, Kaliyon Ka Khush-Rung Pairhen
Khushbuon Ka Hijaab Tu Hai

Tu Meri Khwahish, Tu Meri Hasrat
Meri Aankhon Ka Khawaab Tu Hai

Nisaab-E-Zindagi Hai Ishq
Meri Zindagi Ka Nisaab Tu Hai...


0 comments:

Post a Comment

Add your comments, Poetry related to this Poetry.