Kaghaz Ki Kashtiyaan Thi Bahaao Bhi Khoob Tha
Mausam Ka Paaniyon Se Lagaao Bhi Khoob Tha
Manzar Tere Khayal K Sb Toot'te Rahe
Sochon Ka Waswason Se Bachaao Bhi Khoob Tha
Zarry Chamak Rahe The Falak Se Zameen Tak
Sehra Me Chaandni Ka Paraao Bhi Khoob Tha
Bilkul Badal Gaye The Taqaazy Bhi Adal K
Munsaf Ka Aik Simt Jhukaao Bhi Khoob Tha
Chaahat K Lafaz Sary Baghawat Me Dhal Gaye
Jalti Hui Anna Ko Allao Bhi Khoob Tha
Aansu Bhi Kr Sake Na Haqeeqat Ko Be-Naqaab
Teri Taraf Se Aakhri Ghaao Bhi Khoob Tha...
0 comments:
Post a Comment
Add your comments, Poetry related to this Poetry.