Kaash Is Eid Ke Haseen Lamhoon Main

Kaash is eid ke haseen lamhoon main

Meri zaat-e-gumshuda tujhay yaad aye....

Daikha Eid Ka Chaand Tu Maangi Ye Dua Rab Se

Daikha eid ka chaand tu maangi ye dua rab se

De, de tera saath eid ka tohfa samajh ke

Masroof Hay Khalaq Eid Ki Tayyariyon Main

 

Masroof hay khalaq eid ki tayyariyon main, aur main

Mehv-e-fikar hoon ke sub se hans ker milna hoga....

Chand Daikha Tu Yaad Ayee Teri Soorat

Chand daikha tu yaad ayee teri soorat

Haath uthtay hain magar hurf-e-dua yaad nahi

Main Muntazir Hoon, Teri Deed Ka

 

Main muntazir hoon, teri deed ka

Tu nazar aye chand ban ke eid ka

Ae Chand Jub Wo Teri Taraf Daikhain

 

Ae chand

Jub wo teri taraf daikhain

Tu unhain kuch yaad dilana

Madhur se kuch geet sunana 

Aur kehna-----!

Tumhain koi yaad kerta hay

Teri arzo teri umeed kerta hay

Koi aj bhi

Tumhain daikh ker eid kerta hay

Her Kisi Ke Liyay Kahan Hoti Hain Eid Ki Khoshiyan

Her kisi ke liyay kahan hoti hain eid ki khoshiyan

Khoshiyan lata hay kahan sub ke liyay eid ka chand

Tumharay Chand Se Chehre Ki Agar Deed Ho Jay

 

 Tumharay chand se chehre ki agar deed ho jay

Qasam hay apni aankhon ki eid ho jay

Her Shakhs Apne Chand Se Tha Mehw-E-Guftagu

Her shakhs apne chand se tha mehw-e-guftagu

Main chand dhoondta raha aur eid ho gye

Daikho Daikho Chand Hay Nikla

Daikho daikho chand hay nikla

Daikho ye kis shan se nikla

Taroon ki baraat se nikla

Sub ko ye pegham sunao

Eid ka ye chand hay yaro

Khushiyon ka pegham hay yaro

Dordo bhago eid manain

Ik dojay ko galay lagain

Mil ker baithain mil ker gaen

Geet khoshi ke mil ker gaen

Daikho daikho chand hay nikla

Taroon ki baraat se nikla