Nov 23, 2014
Nov 22, 2014
Kon Kehta Hai K Maut Aai To Mar Jaunga
Kon Kehta Hai K Maut Aai To Mar Jaunga?
Main To Dariya Hoon Samandar Me Utar Jaunga
Tere Pehlu Se Jo Uthoonga To Mushkil Ye Hai
Sirf Ek Shakhs Ko Paunga Jidhar Jaunga
Ab Tere Shehar Me Aunga Musaafir Ki Tarha
Saya-e-Abr Ki Maanind Me Guzar Jaunga
Tera Paimaan-e-Wafa Raah Ki Deewar Bana
Warna Socha Tha Jab Chahunga Mar Jaunga
Chaara Saazon Se Alag Hai Mera Mayaar K Main
Zakham Khaunga To Kuch Aur Sanwar Jaunga
Zindagi Shamma Ki Manind Jalata Hoon Me
Bujh To Jaunga Magar Subha To Kar Jaunga...!
Nov 21, 2014
Duniya Se Mujhe Pyar Tha Sab Bhool Chuka Hoon
Duniya Se Mujhe Pyar Tha Sab Bhool Chuka Hoon
Ek Shakhs Mera Yaar Tha Sab Bhool Chuka Hoon
Bakhshi Hai Mujhe Pyar K Badle Me Judai
Jo Bhi Tera Kirdar Tha Sab Bhool Chuka Hoon
Bas Itna Mujhe Yaad Hai Ek Wasal Ki Shab Thi
Iqrar Tha Inkar Tha Sab Bhool Chuka Hoon
Haan Meri Khata Thi K Tujhe Toot K Chaha
Haan Me Hi Gunehgar Tha Sab Bhool Chuka Hoon
Ek Shakhs Ne Pagal Sa Bana Rakha Tha Wasi
Me Kitna Samajh-dar Tha Sab Bhool Chuka Hoon...
Nov 20, 2014
Kisi Ki Aankh Se Sapne Chura Kar Kuch Nahi Milta
Kisi Ki Aankh Se Sapne Chura Kar Kuch Nahi Milta
Mundairon Se Charaghon Ko Bujha Kar Kuch Nahi Milta
Sakoon Un Ko Nahi Milta Kabhi Pardes Ja Kar Bhi
Jinhe Apne Watan Se Dil Laga Kar Kuch Nahi Milta
Na Jane Kon Se Jazbe Ki Yoon Taskeen Karta Hoon
Bazaahar To Tumhare Khat Jala Kar Kuch Nahi Milta
Usy Main Pyar Karta Hoon To Mujh Ko Chain Aata Hai
Wo Kehta Hai Usy Mujh Ko Sataa Kar Kuch Nahi Milta
Mujhe Aksar Sitaaron Se Yehi Awaaz Aati Hai
Kisi K Hijar Me Neendain Ganwaa Kar Kuch Nahi Milta
Jigar Ho Jaye Ga Chalni Ye Aankhain Khoon Roengi
Wasi Befaiz Logon Se Nibha Kar Kuch Nahi Milta...
Apni Palkain Wo Band Rakhta Hai
Apni Palkain Wo Band Rakhta Hai
Jane Kesi Pasand Rakhta Hai
Khud Ko Kehta Hai Aasmaan Paiman
Itni Oonchi Kamand Rakhta Hai
Mara Jaye Ga Dekhna Aik Din
Kiun Dil-e-Dardmand Rakhta Hai
Sath Wale Khafaa Khataa Ye Hai
Kiun Iraaday Buland Rakhta Hai
Dhoop Se Saamna Na Ho Jaye
Ghar K Darwazay Band Rakhta Hai...
Nov 17, 2014
Subscribe to:
Posts(
Atom)