Nov 3, 2014
Nov 2, 2014
Aankh Ban Jati Hai Sawan Ki Ghata Shaam K Bad
Aankh Ban Jati Hai Sawan Ki Ghata Shaam K Bad
Laut Jata Hai Agar Koi Khafa Shaam K Bad
Wo Jo Tal Jati Rahi Sir Se Bala Shaam K Bad
Koi To Tha K Jo Deta Tha Dua Shaam K Bad
Aankhen Bharti Hain Shab-E-Hijr Yateemon Ki Tarha
Sard Ho Jati Hai Har Roz Hawa Shaam K Bad
Shaam Tak Qaid Raha Karte Hain Dil K Andar
Dard Ho Jate Hain Sare Hi Rehaa Shaam K Bad
Log Thak Haar K So Jate Hain Lekin Jana
Hum Ne Khush Ho K Tera Dard Saha Shaam K Bad
Chand Jab Ro K Sitaaron Se Galay Milta Hai
Ek Ajab Rang Ki Hoti Hai Fiza Shaam K Bad
Hum Ne Tanhai Se Pucha K Milo Gi Kab Tak
Us Ne Be-Chaini Se Foran Hi Kaha Shaam K Bad
Tum Gaye Ho To Siyah Rang K Kapre Pehne
Phirti Rehti Hai Mere Ghar Me Qaza Shaam K Bad
Maar Deta Hai Ujar Jane Ka Dohra Ehsaas
Kash Ho Koi Kisi Se Na Juda Shaam K Bad...
Nov 1, 2014
Naadim Hoon Mene Koi Bhi Rahat Na Di Tujhe
Naadim Hoon Mene Koi Bhi Rahat Na Di Tujhe
Tu Jis Ka Mustahiq Tha Wo Chahat Na Di Tujhe
Apne Hi Roz-o-Shab K Jhamelon Me Gum Raha
Jis Per Tera Tha Haq Wo Rafaqat Na Di Tujhe
Tu Paas Tha To Meri Anaa K Ghuroor Ne
Pathar K Aik Butt Ki Bhi Wuq'at Na Di Tujhe
Darya Tha Me Khuloos Ka Har Shakhs K Liye
Per Boond Bhar Bhi Mene Muhabbat Na Di Tujhe
Kaghaz K Qamqamon Ko Jalane K Shauq Me
Afsos, Koi Sham-e-Rafaqat Na Di Tujhe
Tu Sochta To Ho Ga K Shayar K Pyar Ne
Apni Kisi Ghazal Ki Bhi Surat Na Di Tujhe
Me Kya Karun K Mere Bohat Se Azaab The
Bus Is Liye Kabhi Koi Zehmat Na Di Tujhe...
Subscribe to:
Posts(
Atom)