Raahon Pe Nazar Rakhna Honton Pe Dua Rakhna

Raahon Pe Nazar Rakhna Honton Pe Dua Rakhna

Aa Jaye Koi Shayad Darwaza Khula Rakhna

Ehsaas Ki Shamaa Ko Is Tarha Jala Rakhna

Apni Bhi Khabar Rakhna Us Ka Bhi Pata Rakhna

Raaton Ko Bhatakne Ki Deta Hai Saza Mujh Ko

Dushwaar Hai Pehlu Main, Dil Tere Bina Rakhna

Logon Ko Nigaahon Se Parh Lene Ki Aadat Hai

Logon Ki Tehreeron Ko Logon Se Bacha Rakhna

Bholoon Main Agar Aye Dil, To Yaad Dila Dena

Tanhai K Lamhon Ka Har Zakham Haraa Rakhna

Ek Boond Bhi Ashkon Ki Daaman Na Bhigo Paye

Gham Us Ki Amaanat Hai, Palkon Pe Saja Rakhna

Is Tarha Qateel Us Se Bartao Rahe Apna

Wo Bhi Na Bura Mane, Dil Ka Bhi Kaha Rakhna…