Jab Wafa Par Hogi Koi Bat To Main Yad Aunga
Jab Wafa Par Hogi Koi Bat, To Main Yad Aunga
Na Bhaye Gi Tujhe Jab Kainat, To Main Yad Aunga
Abhi Din-E-Roshan Ki Shokhiyon Se Tu Mayal Hai
Jab Chaye Gi Andheri Raat, To Main Yad Aunga
Abhi Bahar Hai, Chaon Hai, Gham-E-Zindagi Ki Dhoop Nahi
Tham Jaye Gi Jab Ye Barsat, To Main Yad Aunga
Ye Wo Duniya Hai Jis Ne Kisi Ko Kuch Na Diya
Tanha Hogi Jab Teri Zaat, To Main Yad Aunga
Tu Mujhe Bhoola Hai Roshan Waqt Main To Ye Bhi Sun
Tang Hogi Jab Tujh Par Hayaat, To Main Yad Aunga
Ubhre Hain Naye Jazbat Tere Dil Main Zara Theher Abhi
Tujh Se Uljhain Ge Jab Tere Jazbat, To Main Yad Aunga
Mere Shair, Quran-E-Wafa Ki Ayaat Hain ‘Khurram’
Parhe Ga Zamana Jab Ye Ayaat, To Main Yad Aunga…
Submitted By: Khurram Kazmi
