Tumhe Jab Kabhi Milain Furstain Mere Dil Se Bojh Utar Do
Tumhe Jab Kabhi Milain Furstain Mere Dil Se Bojh Utar Do
Main Boht Dino Se Udaas Hoon Mujhe Koi Shaam Udhar Do
Mujhe Apne Roop Ki Dhoop Do K Chamak Sakain Mere Haalo Khad
Mujhe Apne Rang Main Rang Do Mere Sary Zang Utar Do
Kisi Or Ko Mere Haal Se Na Koi Gharz Hai Na Koi Wasta
Main Bikhar Gaya Hoon Samait Lo Main Bigar Gaya Hoon Sanwar Do
Meri Wahshaton Ko Barha Dia Hai Judaiyoon K Azab Ne
Mere Dil Pe Hath Rakho Zara Meri Dharkano Ko Karar Do
Tumhe Subha Kesi Lagi, Kaho, Meri Khawahishon K Dayaar Ki
Jo Bhali Lagi To Yahin Raho Isay Chahaton Se Nikhar Do
Wahan Ghar Main Kon Hai Muntazir K Fikar Ho Dair Sawair Ki
Bari Muhtasir Si Ye Raat Hai Isi Chandani Main Guzar Do
Koi Baat Karni Hai Chand Se Kisi Shakhsar Ki Oot Me
Mujhe Raste Main Yahin Kahin Kisi Kunj-O-Gul Main Utar Do….
https://www.urdusadpoetry.net/woh-kis-ka-hai/
We Offer The Best Collection of 2 line shayari, Enjoy Romantic Poetry, Love Poetry, Dard Poetry and much more. We have designed image Poetry as well on our.