Mehfilain Lut Gyeen Jazbaat Ne Dum Tor Diya
Mehfilain lut gyeen jazbaat ne dum tor diya
Saaz khamosh hain naghmaat ne dum tor diya
Her musarrat gham-e-deroz ka anwan bani
Waqt ki gaud main lamhaat ne dum tor diya
Un ginat mehfilain mehroom-e-charagan hain abhi
Kaun kehta hay ke zulmaat ne dum tor diya
Aj phir bujh gyee jul jul ke umeedon ke charag
Aj phir taroon bhari raat ne dum tor diya
Jin se afsana-e-husti main tasalsul tha kabhi
In muhabbat ki riwayaat ne dum tor diya
Jhilmilate howey ashkon ki lardi toot gyee
Jagmagati howi barsaat ne dum tor diya
Haye adaab-e-muhabbat ke taqazy Sagar
Lub hilay aur shikayaat ne dum tor diya
